Kärhanalar

"BAKJAM söwda" hususy kärhanamyz 2009-njy ýyldan bäri Türkmenistanda ilkinji doňdurma öndürijilerinden biridir. Ýewropaly öndürijilerden häzirki zaman ýokary tehnologiýaly enjamlarymyz we ýokary hilli önümleri üpjün edýän tebigy ýerli çig mallarymyz bar. Şeýle hem, doňdurylan pelmen we börek öndüriji hökmünde tanalýarys. Ýaňy-ýakynda konserwirlenen önümler bilen meşgullanmaga başladyk we ýurtda kanagatlanarly alyjylaryň razylygyny aldyk. Assortimentimiz ýylsaýyn ösýär. Önümlerimizi saýlamak bilen, olaryň 100% tebigy maddalardan ýasalandygyna kepillendirýäris.

“Asuda Dunya” kompaniýasy, ýük daşamak we saklamak üçin dürli hyzmatlary hödürleýän Türkmenistanyň transport we logistika kompaniýasydyr. Yourükleriňizi howa, demir ýol, deňiz we ýol ulaglary bilen eltip bereris. Multimodal transporty üstünlikli amala aşyrýar. GDA ýurtlarynda we bütin dünýäde ýük daşaýarys.

Taslama köçesinde ýerleşýän dermanhanamyz bilen sizi tanyşdyrýarys. Bu ýerde saglygyňyzy goramak üçin ähli zerur zatlary tapyp bilersiňiz.  Dermanlaryň giň görnüşi - bu ýerde saglygy goramak üçin zerur dermanlary, witaminleri we serişdeleri tapyp bilersiňiz.  Hil kepilligi - önümleriň netijeliligine we howpsuzlygyna ynamly bolmak üçin diňe synagdan geçen we kepillendirilen önümleri üns bilen saýlaýarys.  Iň çalt eltip bermek hyzmaty. Onlaýn sargyt ediň we sargydyňyzy gysga wagtda gapyňyza çenli eltip bereris. Amatly bahalar! Bu ýerde önümleriň giň toplumyny ajaýyp bahalardan tapyp bilersiňiz. Makul dermanhanasy elmydama siziň kömegiňizde bolup, saglygyňyz üçin ýokary hilli önümleri size hödürleýär.

Biziň kompaniýamyz, dürli ugurlarda 10 ýyldan gowrak tejribesi bolan geňeşçiler topary tarapyndan döredildi, olar biziň ýurdumyzda maslahat beriş we telekeçiligiň ösüşini öňe sürmek pikiri bilen ylham aldylar. Biziň wezipämiz, işewür wekilleriň we geňeşçileriň bilimleriniň, tejribeleriniň, başarnyklarynyň we tejribeleriniň sinergiýasy arkaly strategiki netijelere ýetmek we dünýä derejesine çykmagy aňsatlaşdyrmakdyr. Gymmatlyklarymyz: • Etiki • Netijelilik • Üznüksiz ösüş

Yardamplus — biznes üçin kömekçi hyzmatydyr. Biz birža şertnamalary, terjimeler, logistika we tenderler bilen bagly ähli resminama işlerini we operasion amallary öz üstümize alýarys. Türkmenistanyň rezidentleri bilen hem-de daşary ýurt kompaniýalary bilen işleýäris. Maksadymyz — siziň wagtyňyzy tygşytlamak, resminamalardaky ýalňyşlyklaryň töwekgelçiligini azaltmak we geleşiklere hem-de söwdalara has çalt çykmaga kömek etmekdir.       Esasy artykmaçlyklary • Maslahat berişden başlap taýýar netijä çenli. • Müşderiniň wagtyny tygşytlamak we ýalňyşlyk töwekgelçiligini azaltmak. • Rezidentler we daşary ýurt kompaniýalary bilen işlemek. • Sargytlary çalt işlemek we möhletleriň aç-açan bolmagy. • Logistika boýunça bäsleşikli nyrhlar arkaly amatly baha saylap bermek.

Kompaniýalaryň köpüsi, bazaryň belli bir paýyny almak, bäsdeşlige ukyplylygyny ýokarlandyrmak, ösdürmek bilen gyzyklanýar. Käwagt bu meseleleri çözmek üçin içerki çeşmeler we tejribe ýeterlik derejede bolmaýar, maslahat beriş hyzmatlaryndan peýdalanmak, ýitip barýan tejribäni çalt yzyna gaýtarmaga mümkinçilik berýär. Bu, ykdysady çökgünliklerde, esasy işgärleriň gitmegi ýa-da möhüm müşderileriň ýitmegi bilen bolup geçýär. Şeýle ýagdaýlarda, işiň dürli ugurlarynda maslahat berýän, işewürlik meselelerini çözmegi teklip edýän konsalting kompaniýasy bilen habarlaşyp bolýar. "Aýdyň Netije" hojalyk jemgyýeti Size gerek zat! Bu ýerde size maslahat, autsorsing we okuw hyzmatlary berilýär. Bize ýüz tutup, hyzmatlaryň doly toplumyny alyp bilersiňiz we siziň islegiňizi kanagatlandyrjakdygymyzy kepillendirýäris!

Siziň howpsuzlygyňyz baradaky aladamyz biziň başlangyç nokadymyz boldy.  “Ajap Önüm” hojalyk jemgiýeti siziň howpsuz ýol hereketiňiz üçin berk we ýokary hilli tormoz kolodkalary öndürýär. Tebigata zyýansyz önümçilik biziň esasy üns merkezimizde. Şonuň üçin hem önümlerimiziň we önümçilik tehnologiýalarymyzyň ekologiýa taýdan zyýansyz bolmagyna aýratyn ähmiýet berýäris. Esasy aýratynlyklarymyzyň ýene biri hem,Türkmenistanda ilkinji tormoz kolodkalary öndürýän kärhana bolmagymyzdyr. Biz azbestsiz keramiki togtatyjy kolodkalary öndürmek üçin innowasiýon tehnologiýalary ulanýarys. Öňde goýan esasy wezipämiz, önümleriň dürli görnüşi bilen müşderilerimiziň talaplaryna jogap bermek we olaryň hoşallygyny gazanmakdyr. Biziň maksadymyz, tormoz kolodka bazarynda iň halanýan we saýlanýan marka bolmakdyr. GUNT- Ýyndamlygyň arkasyndaky täsin güýç.

"Kümüş Gämisi" esasan göteriji enjamlary satmak, gurnamak, işe girizmek we abatlamak bilen meşgullanýar. Häzirki wagtda önümleriniň ýokary hili we ygtybarlylygy bilen tanalýan Koreýanyň "SILVER Elevator Korea" kompaniýasynyň gyzyklanmalaryna wekilçilik edýäris. Tejribeli hünärmenler toparymyz, işiňiz üçin şahsylaşdyrylan çözgütleri bermäge taýyn. Hyzmatlaryň doly toplumyny hödürleýäris - maslahat beriş we enjamlary saýlamakdan başlap, gurnama we dowamly tehniki hyzmat berýäris. Islegleriňizi maslahatlaşmak üçin şu gün biziň bilen habarlaşyň. Talaplaryňyza we býudjetiňize laýyk gelýän iň amatly çözgüdi saýlamaga kömek ederis.

GALKYNYŞ HEMAÝATY hojalyk jemgyýeti Türkmenistanyň bazarynda 2011-nji ýyldan bäri üstünlikli işleýär. Biz "Shanghai Mitsubishi elevator company LTD." kompaniýasynyň resmi dileri bolup, şeýle hem birnäçe türkmen we daşary ýurt kompaniýalary bilen işleşýäris. Biziň tarapymyzdan üpjün edilýän ähli liftleriň we eskalatorlaryň  ýokary derejeli tehniki hyzmatlary we tejribeli işgärler bilen berkidilendir.  Biz ýolagçylar üçin liftleri, mehaniki otaglary bar bolan liftleri, kiçi mehaniki otagly liftleri, mehaniki otagsyz liftleri, pes tizlikli liftleri, ortça tizlikli liftleri hem-de ýokary tizlikli liftleri, eskalatorlary, ýagny J görnüşli eskalatorlar, A görnüşli eskalatorlar, spiral görnüşli eskalatorlar, ýolagçy konweýerlary we uly dükanlar, alyş-beriş merkezleri, sergi zallary, myhmanhanalar we restoranlar, iş edaralary üçin panorama liftler, hassahanalar, häzirki zaman lukmançylyk merkezleri we sagaldyş merkezleri, awtoulag hyzmat ediş merkezleri üçin hassahana liftleri, zawodlar, ammarlar we ş.m. üçin ýük liftleri hödürleýäris.

“Senagat Plastik” hojalyk jemgyýetiniň plastik poddonlary öndürýän zawody ýurdumyza gelýän import harytlaryň ornuny tutmak we harytlary diwersifikasiýalaşdyrmak boýunça alnyp barylýan işleri ýerine ýetirmek, şeýle-de Türkmenistanda öndürilýän bäsleşige ukyply harytlary halkara bazaryna çykarmak maksady bilen 2017-2018 ýyllar aralygynda guruldy. Desganyň gurluşygy we enjamlarynyň goýberiş-sazlaýyş işleri 12 aýyň dowamynda tamamlanyp, 2018-nji ýylda gerekli rugsatnamalaryň alynmagy bilen zawod ýylda 240 000 sany poddon öndürijilik kuwwatlylygynda senagat önümçiligine ullanyşa goýberildi. 2019-njy ýylda zawodyň önümçilik kuwwatynyň giňelmegi, ýylda 480 000 sany poddon öndürilmegine we öndürilýän önümleriň görnüşleriniň giňeldilmegine getirdi.

“Emir-Ussa” hususy kärhanasy 2009-njy ýylyň 23-nji oktýabrynda hasaba alnyp, Döwlet ygtyýarnamalaryny almak bilen esasy işi - toplumlaýyn taslama we binagärlik işleri, jaýlaryň umumy gurluşygy, gurluşyk-gurnama işleri, abatlaýyş-gurluşyk işleri, raýat inženerçilik işleriniň gurluşygy, şol sanda senagat inženerçilik desgalarynyň gurluşygy, daşky we içki inženerçilik ulgamlaryny gurnamak, işe goýbermek, abatlamak, suw we lagym ulgamlaryny gurmak, gidrotehniki we suw hojalyk desgalarynyň gurluşyk işleri; - 10 kw çenli elektrik toguny geçiriji ugurlaryny gurmak işleri, 10 kw çenli elektroenergetika enjamlary gurnamak işleri we 10 kw çenli elektroenergetiki ulgamynda taslamalary işläp düzmek we ýerine ýetirmek işleri; - nebit-gaz toplumynyň we howply desgalaryň gurluşygynda we suw arassalaýjy desgalarda enjamlary gurnamaklyk, şol sanda enjamlaryň goýberiş-sazlaýyş işleri; - bug gazany-gözegçilik desgalarynyň senagat howpsuzlygy boýunça işleri; - ýük awtoulag serişdeleriniň işlerini ýerine ýetirmekden ybarat bolup durýar.

Biz metalkonstruksiýalary we dürli görnüşli metal önümlerini önümçilik işleri üçin gaýtadan işlemek we montaž etmek işlerini alyp barýarys. Biziň baş maksadymyz siziň biznesiňiz üçin ynamdar we uzak ömürli önümleri öndürmek. 2022-nji ýyldan bäri dürli görnüşli kärhanalar we hususy taraplar bilen hyzmatdaşlygy saklaýarys we olaryň önümçiligi üçin degişli goşandymyzy goşup gelýäris. Ýokary tehnologiki talaplardan baş çykarýan hünärmenlerimiziň kömegi arkaly, kiçi görnüşli oba hojalyk işlerinden başlap, uly masştably senagat obýektlerini hem gurnadyk. Siziň teklibiňiz - biziň işimiz!