Kärhanalar

GALKYNYŞ HEMAÝATY hojalyk jemgyýeti Türkmenistanyň bazarynda 2011-nji ýyldan bäri üstünlikli işleýär. Biz "Shanghai Mitsubishi elevator company LTD." kompaniýasynyň resmi dileri bolup, şeýle hem birnäçe türkmen we daşary ýurt kompaniýalary bilen işleşýäris. Biziň tarapymyzdan üpjün edilýän ähli liftleriň we eskalatorlaryň  ýokary derejeli tehniki hyzmatlary we tejribeli işgärler bilen berkidilendir.  Biz ýolagçylar üçin liftleri, mehaniki otaglary bar bolan liftleri, kiçi mehaniki otagly liftleri, mehaniki otagsyz liftleri, pes tizlikli liftleri, ortça tizlikli liftleri hem-de ýokary tizlikli liftleri, eskalatorlary, ýagny J görnüşli eskalatorlar, A görnüşli eskalatorlar, spiral görnüşli eskalatorlar, ýolagçy konweýerlary we uly dükanlar, alyş-beriş merkezleri, sergi zallary, myhmanhanalar we restoranlar, iş edaralary üçin panorama liftler, hassahanalar, häzirki zaman lukmançylyk merkezleri we sagaldyş merkezleri, awtoulag hyzmat ediş merkezleri üçin hassahana liftleri, zawodlar, ammarlar we ş.m. üçin ýük liftleri hödürleýäris.

Kärhanamyz ýokary hilli ýangyna garşy enjamlary we önümleri önümçiligi we söwdasy bilen meşgullanýar.

Kompaniýamyz 2015-nji ýyldan bäri elektrik hyzmatlary pudagynda işleýär. Möhüm taslamalarda elektrik işlerini ýerine ýetirip, ýokary hünär we uly tejribä eýediris. Hyzmatlarymyzyň giň topary bar. Müşderilerimiz halkara kompaniýalary bilen bilelikde 30-dan gowrak iri hususy we döwlet kärhanalarydyr: Dragon oil, Schlumberger, Tatneft, Rönesans, ENI we beýlekiler. Mundan başgada kärhanamyz ýangyn we gorag-ýangyn duýduryjylary gurnamak we tehniki hyzmat ediş işlerini hödürleýär.

"Asuda" konditer fabrigy 2016-njy ýyldan bäri öz önümini içerki bazarda we eksportda söwdasyny amala aşyrýar. Biziň fabrikamyzyň esasy maksady - amatly bahadan ýokary hilli konditer önümlerini öndürmek. "Asuda" konditer önümleriniň hili çig mal bilen üpjün edijileri üns bilen saýlamagyny kepillendirýär. Öndürilen önümler kepillendirilen we ýokary halkara standartlaryna laýyk gelýär. Häzirki wagtda "Asuda" konditer fabrigi, Türkmenistanda iň uly konditer önümlerini önderijileriniň biridir.

Türkmenistanyň Söwda we daşary ykdysady aragatnaşyklar ministrligi Alyjylar jemgyýetleriniň birleşikleriniň merkezi dolandyryş edarasynyň "Abadan" önümçilik kärhanasy miwe we gök-bakja önümlerini gaýtadan işlemek gaplamak, çörek-köke önümlerini, arassalanan, gazsyz we gazly agyz suw, alkogolly içgilerini öndürýän kärhanasy bolup durýar.

Agrosenagat toplumymyz türkmen bazarynda gowy ösen we meşhur. Oba hojalygy Türkmenistanyň ykdysadyýetiniň iň uly we möhüm pudaklaryndan biridir. Oba hojalygy çig mal bilen üpjün ediji we azyk senagatynda öňdebaryjy önüm öndüriji. Ylmy we tehnologiki ösüşiň çaltlaşýandygyna garamazdan, oba hojalygynyň önümleriniň azyk önümçiligindäki orny barha artýar. Türkmenistanyň oba hojalygynyň ýarysy ýeňil we azyk senagaty üçin çig mal bilen üpjün edýär. 2021-nji ýylda döredilen toplumymyz Türkmenistanyň oba hojalygynda öňdebaryjydyr. Biziň toplumymyz has ýokary hilli oba hojalyk önümlerini ösdürmek üçin täze tehnologiýalary ornaşdyrmaklyga gönükdirilendir. "KUWWATLY YURT" agrosenagat toplumy sizi dürli hyzmatlarymyzy öwrenmäge çagyrýar. Oba hojalygy ekinlerini ösdürip ýetişdirmekde tejribe. Bu toplum 200 gektardan gowrak meýdany eýeleýär. Daşky gurşaw we sanitariýa ülňülerine eýerip, iň täze tehnologiýalary ulanyp, pomidor ösdürip ýetişdirýäris. Şeýle hem, agrosenagat hyzmatlarynyň giň toplumyny hödürleýäris. Has giňişleýin maglumat üçin biziň bilen habarlaşyp bilersiňiz.

"Anew oboýlar we dekor önümleri" jaýyňyzyň içerki bezegi üçin ähli zerur zatlary hödürleýär: freskler, ýelimler, paneller, matalar, gipsler we elbetde dizaýner diwar kagyzlary. Bu ýerde, siz arzuw edýän jaýyňyz üçin size gerek zatlary taparsyňyz! Bu ýerde adatydan üýtgeşik görnüşe çenli diwar kagyzlarynyň köp görnüşini tapyp bilersiňiz we olary bahasy boýunça tertipläp bilersiňiz: arzan býudjetden kaşaň gymmat modellere çenli. "Anew oboýlar we dekor önümleri" elmydama elýeter we elmydama amatly!

Ýaşaýan ýerimizi bejermek barada her bir müşderiniň öz aýratyn pikiri bar. "Comfort Mebeliň" wezipesi, müşderiniň öňünde goýan pikirine düşünmekdir. Öz gezegimizde taslama, içki we daşky dizaýn, ýokary hilli mebelleriň önümçiligi bilen meşgullanýarys. Birnäçe ýyl bäri özboluşly we deňsiz-taýsyz interýerleri döredýäris. Jaýyňyzyň ähli meselelerini we müşderiniň şahsy isleglerini göz öňünde tutýarys. Önümçiligimiziň bökdençsiz ýerine ýetirilmegi size çalt möhletlerde tabşyrmaga we işiň hilini kepillendirmäge mümkinçilik berýär!

Türkmenistanyň Dokma senagaty ministrliginiň Bäherden etrabyndaky "Beýik Saparmyrat Türkmenbaşy" adyndaky dokma fabrigi, ýapyk görnüşli paýdarlar jemgyýeti, 2003-nji ýylyň oktýabr aýynda gurulyp ulanylmaga berildi. Fabrigimiz ýokary hilli nah matalary öndürmeklige niýetlenen. Nah matany dünýäniň ösen döwletleriniň Benninger, Milhan, Somet Mythos we Güwen Çelik ýaly kompaniýalaryň enjamlary bilen enjamlaşdyrylan. Ýyllyk taslama kuwwatlylygy 50 000 000 million inedördülmetr öndürmeklige niýetlenen.

“Del” hojalyk jemgyýeti, 2011 ýylyň fewral aýynda açyldy. Del hojalyk jemgyýetiniň ýerine ýetirýän işiniň esasy ugry polietilenden we polipropilenden dürli ölçeglerde paketler,  polietilenden we polipropilenden ýeňlik, ýarym ýeňlik we polotno görnüşinde plýonka öndürmek bolup durýar.

Daşary ýurtdan getirilýän önümleriň ornuny tutýan önümleri özümizde öndürmek maksady bilen 2019-nji ýylda “Türkmen Senet” hojalyk jemgyýeti Ahal welaýatynyň Ak bugdaý etrabynda daşary ýurtdan getirilen enjamlar toplumy bilen enjamlaşdyrylan önümçilik binasynda gözel diýarymyzda ilkinji bolup SPANBOND ýagny dokalmadyk mata önümçiligini ýola goýdy.

Aetrex, Inc.: Has gowy saglyk we rahatlyk üçin ylym we tehnologiýa Aetrex, Inc. aýak skanirleme tehnologiýalary, ortopedik önümler we rahatlyk hem-de saglyk üçin niýetlenen aýakgaplar babatda dünýäde öňdebaryjy kompaniýa hökmünde giňden tanalýar. Kompaniýanyň döwrebap aýak skanirleme enjamlary, şol sanda Albert, Albert Pro, Albert 3DFit (2022 we 2023-nji ýyllaryň CES Innovation Awards baýraklarynyň eýeleri) hem-de Albert Pressure, aýaklary takyk ölçemek, olaryň görnüşini kesgitlemek we basyş nokatlaryny ýüze çykarmak üçin işlenip düzüldi. Bu innowasion tehnologiýalar aýakgabyň we ortopedik içlikleriň iň amatly görnüşini saýlamaga, aýaga düşýän agramy azaltmaga hem-de ýöreýişde ýokary rahatlygy üpjün etmäge kömek edýär.