Kärhanalar

Marynyň "Ýeňiş" tikin fabriginiň esasy önümçiligi erkek adamlaryň we çagalaryň köýneklerini öndürmek. Biziň esasy maksadymyz-alyjylaryň islegini hemme taraplaýyn kanagatlandyrmak bolup durýar. Bu bolsa ýokary hil, döwrebap önümler, köýnegiň jana ýakymlylygy, rahatlygy. Biziň kärhanamyz köýnekleriň görnüşlerini elmydama täzeläp durýär. Köýnek öndürmek üçin çig malyň düzümi esasy orun tutýar. Bizde tikilýän köýnekleriň çig malynyň düzümi arassa ak pagta, ýüpek pagta, şeýle hem garyşyk düzümde (80%-pagta, 20%-polýester). Ýene-de biziň üns berýän zadymyz - bu köýnekleriň bahalarynyň elýeterli bolmagydyr.

Türkmenistanyň Dokma senagaty ministrliginiň Bäherden etrabyndaky "Beýik Saparmyrat Türkmenbaşy" adyndaky dokma fabrigi, ýapyk görnüşli paýdarlar jemgyýeti, 2003-nji ýylyň oktýabr aýynda gurulyp ulanylmaga berildi. Fabrigimiz ýokary hilli nah matalary öndürmeklige niýetlenen. Nah matany dünýäniň ösen döwletleriniň Benninger, Milhan, Somet Mythos we Güwen Çelik ýaly kompaniýalaryň enjamlary bilen enjamlaşdyrylan. Ýyllyk taslama kuwwatlylygy 50 000 000 million inedördülmetr öndürmeklige niýetlenen.

Aşgabadyň Dokma toplumy size 100% pagtadan taýýarlanan žakkard, sütükli hem-de nah mata önümleriniň birnäçe görnüşlerini hödürleýär.

"Batly-Gadam" hususy kärhanasy Balkanabat şäherinde önümçilik we tehniki bazasy bolan ýeňil senagat pudagynda iş alyp barýan iri hususy kärhanalaryň biri bolup, onuň esasy iş ugry pagta ýüplügi we jorap önümçiligi bolup durýar. Biziň "Batly-Gadam" hususy kärhanamyz ýurdumyzda ÿeňil senagaty ösdürmekde uly işleri alyp barýar. Kärhanada dünýäniň ýokary hilli enjamlary we täze innewasion öňde baryjy tehnologiýalary ornaşdyrylyp, bäş ýüze golaý iş orunlary döredilen. Kärhanamyzda pagta süýüminden ýylda 5000 tonnadan gowrak dürli görnüşdäki ýüplik önümlerini öndürilip, häzirki wagtda Türkiýe döwletine we Russiýa Federassiýasyna eksport edilýär. Mundan başga-da, öndürilen ýüplikleri boýamak üçin boýag enjamlary ornaşdyrylyp, ýylda 3500 tonna golaý ýüplikleri boýamak mümkinçiligimiz bar. Şeýle hem, kärhanamyz boýagly ýüpliklerden dürli görnüşdäki, bäsleşige ukyply, ýylda 18000000 jübütden gowrak joraplary öndürip, daşary ýurtlardan import bolup gelýän harytlaryñ ornuny tutýan ýokary hilìi önümleri öndürmek bilen meşgullanýar.

"Gaýrat Agro" HJ 10 ýyldan gowrak wagt bäri oba hojalygy bazarynda öz işini alyp barýar.  1900 gektar meýdany emele getirýän ekin meýdanlarymyz, senagat kärhanalaryndan onlarça kilometr uzaklykda we Türkmenistanyň ekologiki taýdan arassa çäginde ýerleşýär. Önümlerimizi aşakdaky ýurtlara iberýäris: GDA ýurtlary, BAE, Türkiýe, Gazagystan, Gruziýa, Hytaý. Ekilen meýdanlarynda aşakdaky görkezilen önümleri ösdüýäris: - arpa - sogan - mekgejöwen - soya - kädi - Çili burçy - bakjalylar maşgalasy (gawun, garpyz) - kösükliler maşgalasy Aşakdaky görkezilen önümleriň önümçiligi bilen meşgullanýarys: - guradylan gök önümler - guradylan miweler - kädi poroşogy Näme üçin biziň bilen hyzmatdaşlyk etmeli ýa-da müşderiler bizi näme üçin saýlaýarlar? • Tebigy ekologiýa taýdan arassa önüm (GMO-syz) • Amatly bahadan önümler • Sargytlaryň doly toplumyny üpjün etmek • Talaplary gysga möhletde ýerine ýetirmek • Önümlerimiz bu - hil, assortiment, peýda diýmekdir • Yhlasly öndürijiler • Eksport tejribesi

Zawod bazarda 25 ýyl işleýäp GDA ýurtlary we Europeewropa bilen hyzmatdaşlyk edýäris. Hakyky deri we premium matalary ulanyp, ýokary hilli lýuks egin-eşik tikýäris.

Biz Türkmenistanyň dokma senagaty ministrliginiň garamagyndaky pagta egriji fabrikleriniň we hususy sektordaky dokma fabrikleriň aglaba bölegi bilen işleşip, TDHÇMB-dan harytlary satyn alyp, Türkiýe, Russiýa, Eýran, Pakistan ýaly daşary ýurtlara Dokma önümlerini eksport etmek bilen eýýäm birnäçe ýyllaryň dowamynda meşgullanýarys.

"Isometric" dizaýn topary hünärmenleri standart däl bolan we dürli stillerde aňsatlyk bilen işleýär, her taslama aýratynlykda çemeleşýär. Iň agyr we gyzykly dizaýn taslamalaryny durmuşa geçirmäge kömek edýäris. Esasy wezipämiz, arzuwyňyza barýan ýolda kynçylyklardan halas etmekdir.

2020-nji ýylyň 1-nji aprelinden başlap, "Kervenler" hususy kärhanasy arassa ýüň we ýarym ýüň ýorgan, pagta we köpugurly sapaklardan ýasalan düşek önümlerini öndürip başlady. Kärhanamyzda Germaniýanyň "Dor-Nier" kompaniýasynyň häzirki zaman we ýokary öndürijilikli enjamlary bar. Mundan başga-da, kompaniýamyz doly kepillendirilen we ähli halkara tehniki parametrlerine laýyk gelýän pagta we dürli ululykdaky köpugurly ýüplüklerden örtgi ýasaýar.

AKAR Tekstil  Türkmenistanda Ýewropa hilinde joraplaryny öndürijileriniň we üpjün edijilerinden biridir. Kompaniýamyzda lomaý üpjünçilik, lomaý müşderiler üçin amatly hyzmatdaşlyk şertleri bar. Biziň öz önümçiligimiz bar we we amatly geografiki ýerleşişimiz pagtadan ýokary hilli we ekologiýa taýdan arassa çig maly ullanmaga mümkinçilik berýär.

2016-njy ýylda Ahal welaýatynyň, Ak Bugdaý etrabynda  "Owadan Ülke" zawody guruldy we işe girizildi. Ilki bilen "Nur" söwda markasy peýda boldy. "Nur" söwda markasynyň taryhy, gysga wagtyň içinde türkmen bazarynda berk orny eýelän markanyň taryhydyr. "Nur" söwda markasy "Şöhle" manysyny berýär. Ikinji söwda markasy "Näzik" diýmegi aňladýan "Mylaýym" markasy boldy. Soňra premium synp - "Gymmatlyk" diýmegi aňladýan "Hazyna" söwda markasy peýda boldy. Häzirki wagtda "Nur" söwda markasy işjeň öndürilýär. "Mylaýym" söwda markasy ýaňy güýçlenip başlady. Ýöne bu markanyň "aýratynlyklaryndan" biri, adaty bolmadyk tagamy we näzikligi bolan pagta ýagyndan esaslandyrylan maýonezdir. “Owadan Ülke” zawodynyň ähli önümleri içerki telekeçiler tarapyndan ösdürilip ýetişdirilýän ekologiki taýdan arassa oba hojalyk önümlerinden öndürilýär. Ýokary hilli we elýeterli bahalar sebäpli sarp edijiler tarapyndan uly isleg bildirilýär. “Owadan Ülke” zawody ýokary tehnologiýaly importyň ornuny tutýan önümçilikdir. “Owadan Ülke” kärhanasy hil we azyk howpsuzlygyny dolandyrmak ulgamlaryny ösdürdi we ornaşdyrdy, ähli önümçilik prosesi dolandyryş ülňüleriniň we ISO9001: 2015 we HACCP talaplaryna laýyklykda kepillendirilýär. Öndürilen önümleriň ýokary hili halkara ülňülerine laýyk gelýär we öndürijä eksport etmäge mümkinçilik berýär.