Loading companies…
147 kärhana
«Güneşli Ada» komission dükany awtoulag eýelerine awtoulaglary gaýtadan bellige almak hyzmatlaryny hödürleýär. Biz awtoulaglar bilen baglanyşykly ähli görnüşli kanuny amallary resmileşdirmek üçin giň gerimli hyzmatlary hödürleýäris.
"Batly-Gadam" hususy kärhanasy Balkanabat şäherinde önümçilik we tehniki bazasy bolan ýeňil senagat pudagynda iş alyp barýan iri hususy kärhanalaryň biri bolup, onuň esasy iş ugry pagta ýüplügi we jorap önümçiligi bolup durýar. Biziň "Batly-Gadam" hususy kärhanamyz ýurdumyzda ÿeňil senagaty ösdürmekde uly işleri alyp barýar. Kärhanada dünýäniň ýokary hilli enjamlary we täze innewasion öňde baryjy tehnologiýalary ornaşdyrylyp, bäş ýüze golaý iş orunlary döredilen. Kärhanamyzda pagta süýüminden ýylda 5000 tonnadan gowrak dürli görnüşdäki ýüplik önümlerini öndürilip, häzirki wagtda Türkiýe döwletine we Russiýa Federassiýasyna eksport edilýär. Mundan başga-da, öndürilen ýüplikleri boýamak üçin boýag enjamlary ornaşdyrylyp, ýylda 3500 tonna golaý ýüplikleri boýamak mümkinçiligimiz bar. Şeýle hem, kärhanamyz boýagly ýüpliklerden dürli görnüşdäki, bäsleşige ukyply, ýylda 18000000 jübütden gowrak joraplary öndürip, daşary ýurtlardan import bolup gelýän harytlaryñ ornuny tutýan ýokary hilìi önümleri öndürmek bilen meşgullanýar.
"Resmi Kepil", Türkmenistanda halkara derejesinde işleýän hususy ätiýaçlandyryş kompaniýasy. Kompaniýa, Türkmenistanyň Maliýe we Ykdysadyýet ministrliginiň salgyt bölümi tarapyndan hasaba alyndy. Işimize 2017-nji ýylda başladyk. 2023-nji ýylyň 5-nji aprelinde berlen ygtyýarnama esasynda işleýäris. No1-17-30-4. Şahsy, emläk gyzyklanmalaryny we jogapkärçiligi ätiýaçlandyryşy, şeýle hem gaýtadan ätiýaçlandyryş amallaryny amala aşyrýarys. Müşderileriň ynamy biziň gymmatlygymyzdyr! Welaýatlardaky wekillerimiz: Balkan +99365541723; Mary +99361727224; Lebap +99365581819; Daşoguz +99365049066.
“Kepilli ätiýaçlandyryş” AGPJ-i ýuridiki we fiziki şahslary ätiýaçlandyryş bazarynda özara bähbitli hyzmatdaşlyga çagyrýar. Häzirki wagtda “Kepilli ätiýaçlandyryş” AGPJ-i ätiýaçlandyryşyň meýletin görnüşleri boýunça ätiýaçlandyryş we gaýtadan ätiýaçlandyryş işlerini amala aşyrýar. Size meýletin ätiýaçlandyryş hyzmatlarynyň 20 görnüşini hödürleýär: 1. Kärhanalaryň emlägini; 2. Gurluşyk-gurnaýyş işlerini; 3. Üçünji şahslaryň öňündäki raýat-hukuk jogapkärçiligini; 4. Hususy eýeçilik hukugy esasynda raýatlara degişli bolan ýaşaýyş jaýlaryny; 5. Ulag serişdelerini; 6. Türkmenistanyň çäklerinden daşyna gidýän raýatlaryň saglygyny; 7. Ýuridik şahslaryň hasabyna işgärleri betbagtçylykly hadysalardan köpçülikleýin ätiýaçlandyrmak; 8. Ipotekany; 9. Ýükleri; 10. Buraw işlerini; 11. Suw ulagy serişdelerini; 12. Halkara ýük daşamalaryny amala aşyrýan daşaýjylaryň raýat-hukuk jogapkärçiligini; 13. Betbagtçylykly hadysalardan; 14. Daşaýjylaryň (ekspeditorlaryň) raýat jogapkärçiligini; 15. Howa uçarlaryndaky we dik uçarlardaky ýolagçylary we ekipaž agzalaryny betbagtçylykly hadysalardan; 16. Ekologiýany; 17. Hünärmençilik jogapkärçiligini; 18. Iş berijiniň raýat-hukuk jogapkärçiligini; 19. Howa gämilerini utgaşdyryp meýletin ätiýaçlandyrmak; 20. Türkmenistana gelýän ýa-da wagtlaýyn ýaşaýan daşary ýurt raýatlarynyň we raýatlygy bolmadyk adamlaryň saglygyny meýletin ätiýaçlandyrmak; Ätiýaçlandyryşyň meýletin görnüşleri boýunça öz müşderilerine ýokary hilli, amatly ätiýaçlandyryş hyzmatlary bilen üpjün etmekde elmydama Siziň hyzmatyňyzdadyr! Ätiýaçlandyryň! Ätiýaçly boluň!
2005-nji ýyldan bäri gurluşyk we beýleki önümçilik edaralar we kärhanalar üçin işçi geýim-eşikleri tikýäris. Işçi geýim-eşikleri dürli pasyllar üçin hem tikýäris. 2005-nji ýyldan bäri köp sanly iri we orta önümçilik we gurluşyk edaralar we kärhanalar, daşary ýurt firmalar bilen işleşip gelýäris. Gap Inşaat, Ilk Inşaat, Petronas, Polimeks, demirbeton önümçilik kärhanalary, sement zawodlary ýaly kärhanalara işçi eşikleri tikip berdik. Biz müşderileriň islegi boýunça dürli görnüşli geýim-eşigi sargyt boýunça hem tikip berip bilýäris.
2000-nji ýylda düýbi tutulan Hindiwar hususy kärhanasy öz işini Ahal welaýatynyň Ak bugdaý etrabynyň Änew şäherinde alyp barýar. Bu kärhanada öndürilýän ýokary hilli akkumulýatorlar diňe bir ýurdumyzda uly meşhurlyga eýe bolman, eýsem daşary ýurtlara eksport edilip, dünýä belli daşary ýurt markalary bilen bir hatarda bäsleşige ukyply bolmagyny gazanmakdyr. Häzirki wagtda kärhananyň önümçilik kuwwaty aýda 750 akkumulýatora çenli barabar bolup, olaryň ählisi dürli kuwwatlylykda öndürilýär. Hindiwar kärhanasy döwrebap daşary ýurt enjamlary bilen enjamlaşdyrylan. Kärhana diňe ýeňil awtoulaglar üçin akkumulýator önümçiligi bilen çäklenmän, eýsem uly tehnikalar üçinem akkumulýatorlary öndürip gelýär.
“Läle plastik” HK 2016-njy ýylda döredildi. Bu kärhana Balkan welaýatynyň Türkmenbaşy etrabynda ýerleşip, polietilen we polipropilen plýonkasyny we dürli ölçegde polietilen paketleri öndürmek bilen meşgullanýan Türkmenistandaky öňdebaryjy kärhanalaryň biridir. Bu kärhananyň önümçiliginde ulanylýan esasy çig maly, Hormatly Prezidentimiziň ak patasy bilen açyp beren Gyýanlydaky Polimer zawodynyň öndürýän çig maly bolup durýär. Kärhananyň öndürýän ýokary hilli önümleriniň hiline dünýä belli Germaniýa, Şwesiýa, Russiýa, Turkiýe döwletleriniň öňdebaryjy kompaniýalaryň önümçilik enjamlaryny ulanmak bilen baha berip bolýar. Kärhanamyzyň öndürýän önümleriniň ähli hil şahadatnamalary bar bolup, köpsanly kärhanalar, guramalar tarapyndan işjeň ulanylýandyr. Häzirki wagtda “Läle plastik” HK öndürýän önümleri diňe ýurdumyzyň içerki bazaryny üpjün etmek bilen däl-de şeýle-de hem daşarky bazarlarynda satylýar.
HK "Şowly Nal", Türkmenistanyň içinde we daşynda ýük daşamak, ugratmak hyzmatlary, daşary ýurtly sürüjileri çagyrmak üçin resminamalar (Türkmenistanyň migrasiýa gullugynda daşary ýurt raýatlaryny hasaba almak we hasapdan çykarmak), şeýle hem transport resminamalaryny we ýerine ýetirilişini üpjün etmek, (gümrük taýdan resmileşdirmek, halkara ýük daşama kagyzlary (CMR), ýüklemek üçin rugsatnama we ş.m.) we telekeçilik işlerini alyp barmak bilen meşgullanýar. Şowly Ýol Syýahat - Türkmenistanda ýatdan çykmajak syýahat tejribelerini döretmek üçin Siziň ygtybarly dostuňyz. Her bir syýahatçynyň özboluşly gyzyklanmalarynyň bardygyna düşünýäris we aýratyn islegleriňize laýyk gelýän ugurlary döredendigimize buýsanýarys. Medeni başdan geçirmeler, taryhy gezelençleri ýa-da diňe deňiz kenarynda dynç almak isleýän bolsaňyz, hünärmenler toparymyz siziň üçin ajaýyp syýahat meýilnamaňyzy taýýarlap berer . Başga ýerlere göz aýlamak üçin wagt ýitirmäň - Şowly Ýol Syýahat Türkmenistanda ygtybarly syýahat ýoldaşyňyz bolsun!
Kompaniýa 2015-nji ýylda hasaba alyndy. Jemgyýetiň zerurlyklaryny kanagatlandyrmak üçin önümleriň (harytlaryň) öndürilmegine, hyzmatlaryň (işleriň) ýerine ýetirilmegine we gönükdirilen çäreleri amala aşyrmak maksady bilen döredildi.
“Arzyly Sepgit” hususy kärhanasy 2014-nji ýylyndan bäri Türkmenistanyň gurluşyk bazarynda işläp gelýär. “Arzyly Sepgit” hususy kärhanasy gurluşyk we abatlaýyş işlerini ýerine ýetirýär, şeýle hem täjirçilik desgalaryny gurmagy amala aşyrýar, kwartiralaryň bezegini we hususy ýaşaýyş jaýlarda abatlaýyş işlerini ýerine ýetirýär. Köp taslamanyň üstünlikli we netijeli durmuşa geçirilendigi sebäpli özümizi bu pudakda hünärmen diýip atlandyryp bileris. Biz ýokary tehnologiýaly enjamlary, häzirki zaman ýokary derejeli gurluşyk materiallaryny we ösen tehnologiýalary ulanýarys. “Arzyly Sepgit” hususy gurluşyk firmasy diňe bir bellenilen möhletleri ýerine ýetirmek bilen çäklenmän, wagtyňyzy ýitirmezlik üçin ylalaşylan wagtdan has çalt işlemäge synanyşýar.
"Mizemez Gadam" 1994-nji ýyldan bäri gurluşyk işlerini alyp barýar. Birnäçe ýyl ozal kompaniýamyz üçek rulon izolýasiýa materiallaryny, mastiki we gury gurluşyk garyndylaryny öndürmek üçin innowasiýa kärhanasyny döretdi. Zawodyň meýilleşdirilen kuwwaty aýda 5 tonna önümden ybarat bolup, şol bir wagtyň özünde ýokary derejeli awtomatlaşdyryş, hiliň durnuklylygy, önümleriň köp görnüşi we önümleriň täze görnüşlerini çykarmak üçin enjamlary çalt sazlamak ukyby üpjün edilýär. Häzirki wagtda kompaniýamyz Türkmenistanda rulon izolýasiýasynyň öňdebaryjy öndürijisine öwrüldi. Bu önümleri sarp edijiler Türkmenistanyň gurluşyk bazarynda işleýän içerki gurluşyk kärhanalary we daşary ýurt kompaniýalarydyr.
“Bir Kuwwat” hususy kärhanasy Türkmenistanyň Senagatçylar we Telekeçiler Bileleşiginiň agzasy bolup durýar we Türkmenistanyň çäginde AUS32 (AdBlue) azot oksitlerini dikeldijisi ýa-da karbamidiň suwly ergini, antifriz we awtoulaglar üçin ýuwujy serişdeler ýaly himiki önümlerini öndürmek bilen meşgullanýar.