Kärhanalar

Biz logistika we gümrük resmileşdiriş ugrunda doly hyzmatlary hödürleýän kompaniýadyrys. Biziň maksadymyz — müşderi üçin ýük daşamak we resmileşdiriş prosesini mümkin boldugyça ýönekeý, düşnükli we ygtybarly etmek. Biz her bir etaba ýoldaşlyk edýäris: daşamagy gurnamakdan başlap, doly gümrük resmileşdirişine çenli. Deklarasiýalary taýýarlamagy we tabşyrmagy, ähli zerur tölegleri hasaplamagy, rugsat resminamalaryny düzmegi we gümrük edaralary bilen aragatnaşygy öz üstümize alýarys. Logistika böleginde iň amatly ugurlary we daşama usullaryny saýlaýarys — awtomobil, howa, demirýol we deňiz ýük daşamalary. Ýükleri birleşdirmegi, ammar hyzmatlaryny, ätiýaçlandyrmagy we her etapta ýüküň hereketine gözegçiligi üpjün edýäris. Şeýle hem, alyş-satyşlaryň doly goldawyny hödürleýäris: harytlary satyn almakdan we üpjün ediji tölemekden başlap, doly resminamalar bilen “açar elinde” ýetirilýänçä. Biz müşderilerimiziň wagtyna gymmat berýäris we ähli prosesleriň çalt, düşnükli we artykmaç kynçylyklarsyz geçmegi üçin işleýäris

Biziň taryhymyz Biziň fabrikamyz konditerçilik sungatyna bolan höwesden we dünýä bilen iň gowy süýjülikleri paýlaşmak isleginden döräpdir. Dörän günümizden bäri, adatlary we döwrebap tehnologiýalary utgaşdyryp, müşderilerimizi ýokary hilli we tagamly önümler bilen begendirýäris Biziň missiýamyz Biziň missiýamyz ýönekeý: bagt getiren süýjülikleri döretmek. Biz ähli zadyň kämilligine ymtylýarys – iň gowy ingredientleri saýlamakdan başlap, özboluşly reseptleri döretmäge çenli. Her bir önüm biziň söýgimizden, ussatlygymyzdan we müşderilerimize bolan aladamyzyň netijesidir. Biziň önümlerimiz Biz konditerçilik önümleriniň giň görnüşini hödürleýäris: •    Karamelli we ýumşak zefiriň süýjülikleri •    Kökeler we wafli •    We başga köp zatlar Her bir önüm size unudylmajak tagam we estetiki lezzet almak üçin jikme-jikliklere aýratyn üns bilen döredilýär. Biziň gymmatlyklarymyz Biz hil, innowasiýa we durnukly ösüşiň ähmiýetine ynanýarys. Diňe tebigy ingredientleri ulanýarys we önümlerimiziň diňe bir tagamly däl, eýsem peýdaly bolmagyny üpjün etmek üçin ýokary önümçilik standartlaryna eýerýäris. Şeýle hem, ýerli jemgyýetleri goldaýarys we gaplamak üçin ekologiýa taýdan arassa we gaýtadan işlenip bilinýän materiallary saýlap, daşky gurşawy goraýarys.

"Düwmejik" HK häzirki zaman doly we hemmetaraplaýyn çaphanadyr. Çap ediş hyzmatlarynyň doly toplumyny hödürleýäris we bu ugurda öňdebaryjydyrys. Döwrebap enjamlarda sargytlaryň çalt ýerine ýetirilmegi, çap edilen önümleriň ajaýyp hilli bolmagy we her bir müşderä aýratyn çemeleşmek biziň üçin adaty zatdyr. Işewür hyzmatdaşlarymyzyň ynamyna ýokary baha berýäris we gatnaşyklarymyzy berkitmek üçin ähli tagallalary edýäris.

“Läle plastik” HK 2016-njy ýylda döredildi. Bu kärhana Balkan welaýatynyň Türkmenbaşy etrabynda ýerleşip, polietilen we polipropilen plýonkasyny we dürli ölçegde polietilen paketleri öndürmek bilen meşgullanýan Türkmenistandaky öňdebaryjy kärhanalaryň biridir. Bu kärhananyň önümçiliginde ulanylýan esasy çig maly, Hormatly Prezidentimiziň ak patasy bilen açyp beren Gyýanlydaky Polimer zawodynyň öndürýän çig maly bolup durýär. Kärhananyň öndürýän ýokary hilli önümleriniň hiline dünýä belli Germaniýa, Şwesiýa, Russiýa, Turkiýe döwletleriniň öňdebaryjy kompaniýalaryň önümçilik enjamlaryny ulanmak bilen baha berip bolýar. Kärhanamyzyň öndürýän önümleriniň ähli hil şahadatnamalary bar bolup, köpsanly kärhanalar, guramalar tarapyndan işjeň ulanylýandyr. Häzirki wagtda “Läle plastik” HK öndürýän önümleri diňe ýurdumyzyň içerki bazaryny üpjün etmek bilen däl-de şeýle-de hem daşarky bazarlarynda satylýar.

"Kämil Dizaýn" HK 2016-njy ýylda döredildi, şeýle gysga wagtyň içinde kompaniýamyz diňe Aşgabatda däl, eýsem bütin Türkmenistanda meşhurlyga eýe boldy. 1. Beton garyndylaryny öndürýäris we satýarys. 2. Biz Norwegiýanyň dekoratiw boýagy Jotun (Jotun) we Master Builders Solutions (BASF) -dan nemes beton garyndylaryny, ýagny suw geçirmeýän, beton esaslary bejermek üçin garyndylarynyň dilerligini edýäris. 3. Beton esaslarda fasad we dokma işlerini edýäris.

"Batly-Gadam" hususy kärhanasy Balkanabat şäherinde önümçilik we tehniki bazasy bolan ýeňil senagat pudagynda iş alyp barýan iri hususy kärhanalaryň biri bolup, onuň esasy iş ugry pagta ýüplügi we jorap önümçiligi bolup durýar. Biziň "Batly-Gadam" hususy kärhanamyz ýurdumyzda ÿeňil senagaty ösdürmekde uly işleri alyp barýar. Kärhanada dünýäniň ýokary hilli enjamlary we täze innewasion öňde baryjy tehnologiýalary ornaşdyrylyp, bäş ýüze golaý iş orunlary döredilen. Kärhanamyzda pagta süýüminden ýylda 5000 tonnadan gowrak dürli görnüşdäki ýüplik önümlerini öndürilip, häzirki wagtda Türkiýe döwletine we Russiýa Federassiýasyna eksport edilýär. Mundan başga-da, öndürilen ýüplikleri boýamak üçin boýag enjamlary ornaşdyrylyp, ýylda 3500 tonna golaý ýüplikleri boýamak mümkinçiligimiz bar. Şeýle hem, kärhanamyz boýagly ýüpliklerden dürli görnüşdäki, bäsleşige ukyply, ýylda 18000000 jübütden gowrak joraplary öndürip, daşary ýurtlardan import bolup gelýän harytlaryñ ornuny tutýan ýokary hilìi önümleri öndürmek bilen meşgullanýar.

Biz HK "Türkmen Çyragy" 2020-nji ýyldan bäri Türkmenistanyň bazarynda. Esasy önümlerimizden Aziýa we Ýewropa bazarlaryna giňden eksport edilýän PP dokalan haltalar, PP big bag, PP matalar, PP ýüplükler, PP multiflament ýüplükleri bar. Önümlerimiz dokma we oba hojalygy, ýyladyşhanalar, ammarlar we ş.m. gaplamak üçin ulanylýar. Mata ululyklaryny 30 sm-den 190 sm-e çenli öndürip bilýäris. Harytlarymyzyň görnüşi bilen gyzyklanýan bolsaňyz, sargydyň ululygyna görä elýeterli bahany hödürläp bileris. Üstünlikli we ýakymly hyzmatdaşlyga sabyrsyzlyk bilen garaşýarys.

“Jepbar Kompaniýasy” HK, tekerleri gaýtadan işlemekde, ulanylan tigirden sport we oýun meýdançalary üçin rezindan (tartan) şikeslerden goraýan örtük öndürmekde Türkmenistanda öňdebaryjy kärhanadyr. Rezin owuntygyny öndürmek bilen meşgullanýarys. 3 fraksiýa: 1-3 mm, 0.63-1mm, şeýle hem 0,63 mm çenli tozga (bitum we gidroizolýasiýa materiallary "Izogam" öndürmek üçin giňden ulanylýar). Islendik derejedäki we maksatly sport meýdançalaryny gurmak. (çagalar oýun meýdançalary, tennis we basketbol meýdançalary, ýapyk fut zallar we futbol meýdançalary). Açyk sport desgalary we başgalar.

2022-nji ýylda Türkmenistanyň Aşgabat şäherinde esaslandyrylan «Zehinli çözgüt» kompaniýasy gysga wagtyň içinde esasy pudaklarda öňdebaryjy üpjün ediji hökmünde özüni tanatdy. Biz ýokary hilli önümleri we işewürligi ösdürmäge hem-de operasion netijeliligi ýokarlandyrmaga gönükdirilen aýratyn çözgütleri hödürläp, taslamalary üstünlikli durmuşa geçirýäris.      Biziň hyzmatdaşlarymyzyň hatarynda iri halkara korporasiýalar, hususy kärhanalar we döwlet guramalary bar. Biz dürli pudaklar üçin döwrebap, ygtybarly we innowasion çözgütleri hödürleýäris, hyzmatyň ýokary hilini we halkara standartlaryna doly laýyklygyny üpjün edýäris.      ABŞ-dan, Ýewropadan we Aziýadan öňdebaryjy öndürijiler bilen hyzmatdaşlygyň netijesinde, biz ýokary hilli önümlere we hyzmatlara elýeterliligi kepillendirýäris. Ähli üpjünçilikler we taslamalar dünýä boýunça kabul edilen pudaklaýyn standartlara doly laýyk bolup, doly resminamalar toplumy bilen üpjün edilýär.      Biziň toparymyz önümi saýlamakdan başlap, eltip bermäge we ornaşdyrmaga çenli ähli tapgyrlarda hil gözegçiligini amala aşyrýar, bu bolsa ygtybarlylygy we ýokary derejäni üpjün edýär.

Biziň kärhanamyz 2013-nji ýylda döredildi. Biziň hususy kärhanamyz esasan lift hyzmatlaryny, ýagny, liftleriň meýilnamalaýyn hyzmatlary, liftleri sökmek, gurmak we işe göýbermek hyzmatlary, gümrük dellalçylyk hyzmatlaryny, eksport we import gümrük deklarasiýalaryny ýazyp bermek, eksport we import resminamalary terjime etmek hyzmatlaryny ýerine ýetirýär.

HK "Şowly Nal", Türkmenistanyň içinde we daşynda ýük daşamak, ugratmak hyzmatlary, daşary ýurtly sürüjileri çagyrmak üçin resminamalar (Türkmenistanyň migrasiýa gullugynda daşary ýurt raýatlaryny hasaba almak we hasapdan çykarmak), şeýle hem transport resminamalaryny we ýerine ýetirilişini üpjün etmek, (gümrük taýdan resmileşdirmek, halkara ýük daşama kagyzlary (CMR), ýüklemek üçin rugsatnama we ş.m.) we telekeçilik işlerini alyp barmak bilen meşgullanýar.   Şowly Ýol Syýahat - Türkmenistanda ýatdan çykmajak syýahat tejribelerini döretmek üçin Siziň ygtybarly dostuňyz. Her bir syýahatçynyň özboluşly gyzyklanmalarynyň bardygyna düşünýäris we aýratyn islegleriňize laýyk gelýän ugurlary döredendigimize buýsanýarys. Medeni  başdan geçirmeler, taryhy gezelençleri ýa-da diňe deňiz kenarynda dynç almak isleýän bolsaňyz, hünärmenler toparymyz siziň üçin ajaýyp syýahat meýilnamaňyzy taýýarlap berer . Başga ýerlere göz aýlamak üçin wagt ýitirmäň - Şowly Ýol Syýahat Türkmenistanda ygtybarly syýahat ýoldaşyňyz bolsun!

"Geljege Miras" - ýük awtoulaglary we ýeňil awtoulaglar üçin motor ýaglaryny, "GM OIL" markasy astynda önüm öndürmek bilen meşgullanýar. Esasy ýaglary dürli funksional goşundylar bilen garyşdyrmak arkaly alynýan häzirki zaman motor ýaglaryny öndürýär. Içeri we daşary ýurtlarda satyn alnan esasy ýaglar, goşundylar ýokary hillidir. Önümçilik tehnologiki prosesiniň şertlerine we arassalaýyş hiline gözegçilik etmeklige üns bermeklik bäsdeşlige ukyply önüm öndürmäge mümkinçilik berýär. Mundan başga-da, "Geljege Miras" kompaniýasy "GM PLAST" markasy astynda gündelik durmuşda ulanylýan dürli ululykdaky haltalary, ýumşak gaplary we dürli görnüşli plastik önümleri öndürýär. Önümçilikde ýerli çig mal ulanylýar. Kompaniýa, köp komponentler üçin önümleri hemmetaraplaýyn seljermek mümkinçiligini berýän Ýewropanyň öňdebaryjy öndürijilerinden ýokary tehnologiýaly enjamlary gurnady. "GM PLAST" we "GM OIL" söwda markalary astynda öndürilen önümler diňe bir ýerli bazarda däl, eýsem köp ýurtlara hem eksport edilýär!