Kärhanalar

“Mertebeli Zähmet” BOPP plýonkasynyň, gurluşyk materiallarynyň, dürli görnüşli izogamlaryň, izolýasiýa mastikasynyň, bitumyň we PET-iň öňdebaryjy lomaý satuwçysy bolup, ony pudakda öňdebaryjy kompaniýa öwürýär. Mundan başga-da, ýokary hilli önümleri we berk hyzmatdaşlygy sebäpli kompaniýa bazarda ygtybarly üpjün ediji hökmünde abraý gazandy. Hünärmenler topary müşderileriň isleglerini kanagatlandyrmak we olara iň gowy çözgütleri hödürlemek üçin her gün işleýär. Şeýlelik bilen, “Mertebeli Zähmet” ygtybarly we ýokary hilli önümleri hödürleýän aýrylmaz hyzmatdaşdyr.

ERTE -  «Abraýly Dostlar» hojalyk jemgyýeti size ertiriň matalaryny hödürleýär.  Tehnologiýa ambisiýa bilen duşuşanda, diňe bir önüm dünýä inmeýär - täze standart döreýär. ERTE -  «Abraýly Dostlar» hojalyk jemgyýetiniň dokma markasy bolup birnäçe aýyň içinde tekstil bazaryna özboluşly düşünje bilen girdi, kärhana polipropilen sapagyndan başlap taýýar mata çenli doly utgaşykly önümçilik çözgütlerini hödürleýär. Bu bolsa önümçiligiň her tapgyrynda hil gözegçiligini geçirmäge we müşderileriň tendensiýalaryna we isleglerine uýgunlaşmaga mümkinçilik berýär. 3 UGRUKDYRMA 1 IDEOLOGIÝA. ERTE In ™ - içki bezeg işleri üçin matalar. Matalar ýumşak mebelleriň örtükleri we içki bezeg işleriniň çözgütleri üçin niýetlenendir. Şol bir wagtda hem ýumşaklygy, berkligi we estetiki hil görkezijilerini utgaşdyrýar. Her santimetrde ýumşaklyk, berklik, estetika. ERTE Out ™ - daşky bezeg işleri üçin matalar, Ultramelewşe şöhlelerine, çyglylyga we könelmäge durnukly materiallary öndürýär. Şunuň ýaly matalar baglarda goýmak üçin niýetlenen mebelleri, kenar ýakasy üçin mebelleri, çadyrlar we saýa beriji gurluşlar üçin diýseň amatlydyr. Bag, kenar we köçe mebelleri, çadyrlar, kölegeli çözgütler üçin amatlydyr. ERTE Tech ™ - tehniki matalar. Geotekstil, oba hojalygy we senagat üçin ýokary dykyzlykly dokma önümlerini öndürýär. ERTE markasynyň aňyrsynda diňe bir önümçilik liniýasy däl, eýsem ertire seredýän topar bar: • Halkara hil standartlary • Häzirki zaman Ýewropa ýurtlarynyň enjamlary • Hünärmenler toparynyň yzygiderli ösmegi • Önümçilik dolulygyna Türkmenistanda ýerleşýär ERTE brendiniň filosofiýasy: estetika bilen tehnologiki çözgütleriň arasyndan biri saýlanylman, ikisini hem utgaşdyrýan dokma çözgütlerini hödürlemek

"Sokol" - jaýyňyz üçin ajaýyp perdeler. Perde saýlamak biz bilen aňsat we amatly, her etapda ajaýyp hyzmat hödürleýäris.   "Sokol" bilen ideal interýeriňizi dörediň!

"Gök Saraý" ýüplük öndürýän we ýokary hilli materiallary hödürleýän ýöriteleşdirilen zawod. Biz önümlermizi Ýewropanyň we aziýanyň dürli künjeklerine eksport edýäris.

RED FLAG TEXTILE MACHINERY co.ltd Hytaýda dokma maşynlarynyň öňdebaryjy öndürijisidir. Dokma enjamlary we dokma önümleri we enjamlaşdyrmak üçin bölekleýin we doly mocberde enjamlar bilen üpjün etmekde ýöriteleşýäris. Ondan basgada tekstil onumciligini gurnamak isleyanlere maslahat we beyleki yardamlary beryaris. Red flag kompaniýasy elmydama müşderilerini  kanagatlandyryp, talaplaryny we isleglerini doly ýerine ýetirýär.

Idris tikinçilik aksesuarlary "tikin.com.tm" - Türkmenistanda egin-eşik öndürmek üçin tikin esbaplaryny, matalary we enjamlary satýan iň uly onlaýn dükanlaryň biridir. Egin-eşik esbaplaryny satmak "tikin.com.tm" onlaýn dükanynyň möhüm işidir, şonuň üçin diňe hil we daşky gurşaw howpsuzlygy kepillendirilen iň oňat daşary ýurt öndürijileriniň önümlerini hödürleýäris. Gürrüňsiz, giň assortimentiň kömegi bilen öý sungatyny halaýanlar we hünärmen tikinçiler, bezeg we tikin esbaplaryny iň amatly bahalardan onlaýn satyn alyp bilerler

"Batly-Gadam" hususy kärhanasy Balkanabat şäherinde önümçilik we tehniki bazasy bolan ýeňil senagat pudagynda iş alyp barýan iri hususy kärhanalaryň biri bolup, onuň esasy iş ugry pagta ýüplügi we jorap önümçiligi bolup durýar. Biziň "Batly-Gadam" hususy kärhanamyz ýurdumyzda ÿeňil senagaty ösdürmekde uly işleri alyp barýar. Kärhanada dünýäniň ýokary hilli enjamlary we täze innewasion öňde baryjy tehnologiýalary ornaşdyrylyp, bäş ýüze golaý iş orunlary döredilen. Kärhanamyzda pagta süýüminden ýylda 5000 tonnadan gowrak dürli görnüşdäki ýüplik önümlerini öndürilip, häzirki wagtda Türkiýe döwletine we Russiýa Federassiýasyna eksport edilýär. Mundan başga-da, öndürilen ýüplikleri boýamak üçin boýag enjamlary ornaşdyrylyp, ýylda 3500 tonna golaý ýüplikleri boýamak mümkinçiligimiz bar. Şeýle hem, kärhanamyz boýagly ýüpliklerden dürli görnüşdäki, bäsleşige ukyply, ýylda 18000000 jübütden gowrak joraplary öndürip, daşary ýurtlardan import bolup gelýän harytlaryñ ornuny tutýan ýokary hilìi önümleri öndürmek bilen meşgullanýar.

Türkmenistanyň çäginde örän tiz wagtda kämillige tarap gadamyny basýan, ýaş we döwrebap kompaniýalaryň biri bolup polipropilenden taýýarlanylan multiflament ýüplükleri öndürmek we satmak işini alyp barýar. ÖNÜM AÝRATYNLYKLARY Önümlerimiziň ählisi aşakdaky aýratynlyklara eýedir: Multifilament ýüplüklerimiziň dykyzlygy (denýe) 150-den başlap 4000-e çenli ýetirmäge mümkinçiligimiz bar. UV yşyklary bilen durnuklaşdyrylan, ýaglanan, ýokary dartyş güýjine eýe ýüplükleri ähli fiziki we mehaniki aýratynlyklaryna esaslanyp birnäçe ýyllap saklamak mümkin. Multiflament ýüpliklerimiz dürli kislotalara, aşgarlara we erginlere çydamlydyr. Önümlerimiziň UV yşyklaryna çydamlylygy her üznükde 6,8-7.5 g / denier-e barabardyr. Müşderiniň islegine we sargydyna baglylykda, öndürilýän ýüpligiň reňkini, egrilik diametrini, agramyny we mukdaryny sazlap, ýene-de islege görä gutuda ýa-da paletde gaplap berýäris. Polipropilen halta lentalary we tikilen haltalar, ýüpler, remenler, şnurlar, dokalan matalar we dokalan torlar, önümçilikde ulanylýan uly torbalar, aýakgaplar, sumkalar we çemodanlary tikmek, matalary ýasamakda hem-de matalary tikilýän ýüpekleri ýasamakda has hem giňden ulanylýar.

Dürli maksatly ulanyşlar üçin spanbond, meltblaun we spanbond-meltbalun kompozitleriniň giň toplumyny öndürýäris. Spanbond - bu polipropilenden ýasalan dokalmadyk mata. Spanbond we meltblaun lukmançylyk pudagynda bir gezeklik ulanylýan önümler üçin uly isleg bildirýär. (maskalar, halatlar, kombinezonlar we aýakgap örtükleri, şapkalar,). Spanbond diňe bir lukmançylyk pudagynda däl, eýsem kosmetologiýada, şahsy ideg önümlerinde, mebellerde we oba hojalygynda hem ulanylýar.

Daşary ýurtdan getirilýän önümleriň ornuny tutýan önümleri özümizde öndürmek maksady bilen 2019-nji ýylda “Türkmen Senet” hojalyk jemgyýeti Ahal welaýatynyň Ak bugdaý etrabynda daşary ýurtdan getirilen enjamlar toplumy bilen enjamlaşdyrylan önümçilik binasynda gözel diýarymyzda ilkinji bolup SPANBOND ýagny dokalmadyk mata önümçiligini ýola goýdy.

Marynyň "Ýeňiş" tikin fabriginiň esasy önümçiligi erkek adamlaryň we çagalaryň köýneklerini öndürmek. Biziň esasy maksadymyz-alyjylaryň islegini hemme taraplaýyn kanagatlandyrmak bolup durýar. Bu bolsa ýokary hil, döwrebap önümler, köýnegiň jana ýakymlylygy, rahatlygy. Biziň kärhanamyz köýnekleriň görnüşlerini elmydama täzeläp durýär. Köýnek öndürmek üçin çig malyň düzümi esasy orun tutýar. Bizde tikilýän köýnekleriň çig malynyň düzümi arassa ak pagta, ýüpek pagta, şeýle hem garyşyk düzümde (80%-pagta, 20%-polýester). Ýene-de biziň üns berýän zadymyz - bu köýnekleriň bahalarynyň elýeterli bolmagydyr.

Abadan Haly AGPJ häzirki wagtda içerki haly bazaryna hyzmat edýän Türkmenistanda dokma pol örtükleriniň iň uly öndürijisidir. Kompaniýanyň haly önümçiligi meýdançasy, bölek satuw dükany we ofis binasy paýtagt Aşgabadyň Abadan etrabynda ýerleşýär we umumy meýdany 14,5 gektar. Toplumda haly dokamak bölümi, gaýtadan işleýän bölüm we iki sany çig mal öndürýän bölüm   - (polipropilen we akril ýüplük) bar. 300 ýüzden gowrak işgäri bilen zawodyň häzirki önümçilik kuwwaty her ýyl 2,500.000 inedördül metr haly we haly önümleri.