Türkmenistanda «süt ürünleri»

“Erteki” 2001-nji ýylda esaslandyryldy. Kompaniýanyň esasy ileri tutýan önümi, diňe tebigy çig mal esasynda öndürilen önümiň ýokary hilli bolmagydyr.

"BAKJAM söwda" hususy kärhanamyz 2009-njy ýyldan bäri Türkmenistanda ilkinji doňdurma öndürijilerinden biridir. Ýewropaly öndürijilerden häzirki zaman ýokary tehnologiýaly enjamlarymyz we ýokary hilli önümleri üpjün edýän tebigy ýerli çig mallarymyz bar. Şeýle hem, doňdurylan pelmen we börek öndüriji hökmünde tanalýarys. Ýaňy-ýakynda konserwirlenen önümler bilen meşgullanmaga başladyk we ýurtda kanagatlanarly alyjylaryň razylygyny aldyk. Assortimentimiz ýylsaýyn ösýär. Önümlerimizi saýlamak bilen, olaryň 100% tebigy maddalardan ýasalandygyna kepillendirýäris.

"Asuda" konditer fabrigy 2016-njy ýyldan bäri öz önümini içerki bazarda we eksportda söwdasyny amala aşyrýar. Biziň fabrikamyzyň esasy maksady - amatly bahadan ýokary hilli konditer önümlerini öndürmek. "Asuda" konditer önümleriniň hili çig mal bilen üpjün edijileri üns bilen saýlamagyny kepillendirýär. Öndürilen önümler kepillendirilen we ýokary halkara standartlaryna laýyk gelýär. Häzirki wagtda "Asuda" konditer fabrigi, Türkmenistanda iň uly konditer önümlerini önderijileriniň biridir.

Öndürilýän suw süzgüçler suw arassalaýjy desgalarda suwyň düzüminden laý, çäge, pos ýaly mehaniki hapalary alyp galmak üçin niýetlenen. Suw süzgüjiň esasy çig-maly Türkmenistanda önýän polipropilen bolup durýar. Önümçilikde häzirki wagt 2 (iki) görnüşli suw süzgüçler öndürilýär. Olaryň biri 5 mikron – iri hapalary alyp galmak üçin we ikinji  - 1 mikron – has ownuk hapalary alyp galmak üçin. Filtirleriň ölçegi uzynlygy 101 sm diametri 6 sm. Desganyň ýyllyk kuwwatlylygy 100,000 sany filtr. Desga 2017-nji ýylda işe goýberilen. Esasy müşderilerimiz Awaza milli syýahatçylyk zolagyndaky bir gije gündizde 35,000m3 suw süýjediji desga we Gyýanlydaky bir gije gündizde 50,000m3 suw süýjediji desgalar we kiçi suw desgasy bolan önümçilik bilen meşgulanýan telekçiler bolup durýar.

Türkmenistanyň Senagatçylar we Telekeçiler birleşmesiniň agzasy bolup durýan “Kendir” hususy kärhanasy 2013-nji ýylyň 16-njy dekabrynda döredildi. Kärhanamyzyň işiniň esasy maksady ilatyň sarp ediş isleglerini kanagatlandyrmak, halkyň sarp edýän gurluşyk harytlary bilen bazary üpjün etmek, önümçilik işini ýokarlandyrmak bolup durýar. Ýaşaýyş durmuşynyň barha ösmegi, beýik ymaratlaryň peýda bolup, obalary, şäherleri gözelleşdirmegi – ilki bilen şol ýurduň beýleki ösen ýurtlar bilen deňleşýändigine aýdyňlygy bilen şaýatlyk edýär. Indi Türkmenistan we onuñ paýtagty Aşgabat şäheri ak mermerli binalaryň, uly ymaratlaryň, ýaşaýyş jaýlarynyň toplumlaryny özünde jemleýänligi bilen dünýäde tanalyp gelýär. Şeýle binalaryň peýda bolmagy üçin ilkinji nobatda gurluşyk önümlerine aýratyn paý düşýär. Häzirki wagtda gurulýan binalaryň, ýaşaýyş jaýlarynyň döwrebap, berk, hil taýdan ýokary derejede bolmagynda, “Kendir” hususy kärhanamyzyň aýratyn zähmeti bar. Kärhanamyzda öndürilýän ýokary hilli demir-beton konstruksiýalary üçin kebşirlenen gözenekleri, polatdan çerepissa, profnastil, konýok we ternaw önümleri halka hödürlenýär. Bu önümler dürli galyňlykda, dürli ölçeglerde bolup, olaryň islendik görnüşlerini müşderiler isleglerine görä buýrup bilýärler. Mundan başga-da kärhanamyzda dürli ölçeglerde bolan polat armaturalary, armatur daňylýan simleri, profilleri, ugolnikleri, çüýleri, demir listleri we demir turbalarynam satyn alyp bilersiňiz. Ýokary derejeli bilimli hünärmenler tarapyndan ýola goýulyp, häzirki wagtda hil derejesine kepil geçýän bu kärhanamyzyň işleri ýokary depgin bilen dowam edýär. Enjamlar Biziň önümçiligimizde Türkiýanyň we Ýewropanyň birnäçe ýokary hilli belli nyşanly enjamlary ulanylýar. Enjamlaryň ählisi sanly ulgamly bolup, onda işleýän hünärmenler tarapyndan ussatlyk bilen dolandyrylýar. Bu bolsa, önümçilik kuwwatyny artdyrýar we ähli buýurmalar wagtynda ýokary hilli ýerine ýetirilýär. Takyk nokatlaýyn kebşirleýji enjamda öndürilen gözenekler bolsa özüniň berkligi we talaba laýyklygy bilen tapawutlanýar. Şeýle hem, demir listden çerepissa önümlerini formalaýjy enjamlaryň birnäçe görnüşleriniň bolmagy her bir müşderiniň islegini kanagatlandyrylýandygyna esas bolup durýar.

“Ak Hünji” HJ, Türkmenistanda giňeldilen polistiroldan (EPS) ýylylyk izolýasiýa we bezeg gurluşyk materiallarynyň, şeýle hem sendwiç panelleriniň öndürijisi.

"Mizemez Gadam" 1994-nji ýyldan bäri gurluşyk işlerini alyp barýar. Birnäçe ýyl ozal kompaniýamyz üçek rulon izolýasiýa materiallaryny, mastiki we gury gurluşyk garyndylaryny öndürmek üçin innowasiýa kärhanasyny döretdi. Zawodyň meýilleşdirilen kuwwaty aýda 5 tonna önümden ybarat bolup, şol bir wagtyň özünde ýokary derejeli awtomatlaşdyryş, hiliň durnuklylygy, önümleriň köp görnüşi we önümleriň täze görnüşlerini çykarmak üçin enjamlary çalt sazlamak ukyby üpjün edilýär. Häzirki wagtda kompaniýamyz Türkmenistanda rulon izolýasiýasynyň öňdebaryjy öndürijisine öwrüldi. Bu önümleri sarp edijiler Türkmenistanyň gurluşyk bazarynda işleýän içerki gurluşyk kärhanalary we daşary ýurt kompaniýalarydyr.

“Emir-Ussa” hususy kärhanasy 2009-njy ýylyň 23-nji oktýabrynda hasaba alnyp, Döwlet ygtyýarnamalaryny almak bilen esasy işi - toplumlaýyn taslama we binagärlik işleri, jaýlaryň umumy gurluşygy, gurluşyk-gurnama işleri, abatlaýyş-gurluşyk işleri, raýat inženerçilik işleriniň gurluşygy, şol sanda senagat inženerçilik desgalarynyň gurluşygy, daşky we içki inženerçilik ulgamlaryny gurnamak, işe goýbermek, abatlamak, suw we lagym ulgamlaryny gurmak, gidrotehniki we suw hojalyk desgalarynyň gurluşyk işleri; - 10 kw çenli elektrik toguny geçiriji ugurlaryny gurmak işleri, 10 kw çenli elektroenergetika enjamlary gurnamak işleri we 10 kw çenli elektroenergetiki ulgamynda taslamalary işläp düzmek we ýerine ýetirmek işleri; - nebit-gaz toplumynyň we howply desgalaryň gurluşygynda we suw arassalaýjy desgalarda enjamlary gurnamaklyk, şol sanda enjamlaryň goýberiş-sazlaýyş işleri; - bug gazany-gözegçilik desgalarynyň senagat howpsuzlygy boýunça işleri; - ýük awtoulag serişdeleriniň işlerini ýerine ýetirmekden ybarat bolup durýar.

'“Gök-Böri” hususy kärhanasy inženerçilik işleri ugrundan gurluşyk-gurnama işleri we gurluşyk materiallarynyň söwdasy hyzmatlary bilen giň gerimli işleri alyp barýan kärhanadyr. Kärhana ýörite gurluşyk-gurnama, abatlaýyş we abadanlaşdyryş işlerini ýokary hili ýerine ýetirýär. Şeýle hem gaz üpjünçilik, ýyladyş (otoplenie), suw we lagym ulgamlaryny geçirmek, howalandyrma we kondisionirleme, ýangyna garşy gidrantlary şkaflary, suw sorujylary gurnamak hem-de enjamlara we stanoklara dublikat passportlary ýasap bermek hyzmatlaryny amala aşyrýar. Mundan başga-da defekteskopiýa, gazanalizator tehniki synag işleri, gaz üpjünçiliginiň we gazanhananyň (kotelni) taslamalaryny taýýarlamak gurnamak işlerini we dürli inženerçilik işleriniň hyzmatlaryny ýerine ýetirip, müşderilere dōwrebap we ygtybarly çözgütleri hödürleýär. Tejribeli hünärmenler häzirki zaman tehnologiýalary arkaly işleýärler. “Gök-Böri” hususy kärhanasy 2009-njy ýyldan bäri watanymyza halkymyza ýokary derejeli hyzmatlary edip, gurluşyk pudagynyň ösüşine mynasyp goşandyny goşup gelýär.

Köp görnüşli arassalaýyjy serişdeleriniň önümçiligi we söwdasy

Abadan Haly AGPJ häzirki wagtda içerki haly bazaryna hyzmat edýän Türkmenistanda dokma pol örtükleriniň iň uly öndürijisidir. Kompaniýanyň haly önümçiligi meýdançasy, bölek satuw dükany we ofis binasy paýtagt Aşgabadyň Abadan etrabynda ýerleşýär we umumy meýdany 14,5 gektar. Toplumda haly dokamak bölümi, gaýtadan işleýän bölüm we iki sany çig mal öndürýän bölüm   - (polipropilen we akril ýüplük) bar. 300 ýüzden gowrak işgäri bilen zawodyň häzirki önümçilik kuwwaty her ýyl 2,500.000 inedördül metr haly we haly önümleri.

Türkmenistanyň Söwda we daşary ykdysady aragatnaşyklar ministrligi Alyjylar jemgyýetleriniň birleşikleriniň merkezi dolandyryş edarasynyň "Abadan" önümçilik kärhanasy miwe we gök-bakja önümlerini gaýtadan işlemek gaplamak, çörek-köke önümlerini, arassalanan, gazsyz we gazly agyz suw, alkogolly içgilerini öndürýän kärhanasy bolup durýar.