Türkmenistanda «söwda»

"BAKJAM söwda" hususy kärhanamyz 2009-njy ýyldan bäri Türkmenistanda ilkinji doňdurma öndürijilerinden biridir. Ýewropaly öndürijilerden häzirki zaman ýokary tehnologiýaly enjamlarymyz we ýokary hilli önümleri üpjün edýän tebigy ýerli çig mallarymyz bar. Şeýle hem, doňdurylan pelmen we börek öndüriji hökmünde tanalýarys. Ýaňy-ýakynda konserwirlenen önümler bilen meşgullanmaga başladyk we ýurtda kanagatlanarly alyjylaryň razylygyny aldyk. Assortimentimiz ýylsaýyn ösýär. Önümlerimizi saýlamak bilen, olaryň 100% tebigy maddalardan ýasalandygyna kepillendirýäris.

Kompaniýa 2015-nji ýylda hasaba alyndy. Jemgyýetiň zerurlyklaryny kanagatlandyrmak üçin önümleriň (harytlaryň) öndürilmegine, hyzmatlaryň (işleriň) ýerine ýetirilmegine we gönükdirilen çäreleri amala aşyrmak maksady bilen döredildi.

Logistika "Gadamly Inžener" kompaniýasy, ähli görnüşli ulaglary ulanyp, logistika, transport we ekspeditor hyzmatlaryny hödürleýär. Ulagyň iň amatly bahasy, netijeliligi, ulagy öz wagtynda eltip bermek we resminamalary taýýarlamak, ammarda ýokary hilli öndürijilik we ýüklemek amallary, her bir müşderä aýratyn çemeleşmek, kompaniýamyzyň esasy ileri tutýan ugurlarydyr. Türkmenistanyň çäginde, GDA ýurtlarynda we bütin dünýäde ýük daşaýarys. Gysga wagtyň içinde kompaniýamyz köp tejribe toplady we giň hyzmatdaşlar, agentler ulgamyny döretdi. Kompaniýamyzdaky her bir buýrugyň ýerine ýetirilmegi öz ugrundaky hünärmenler tarapyndan amala aşyrylýar. Gurluşyk Şeýle hem, kompaniýamyz taslamalary hemmetaraplaýyn durmuşa geçirýär. Müşderilerimize gurluşyk üçin wagtyny we puluny ep-esli tygşytlamagy teklip edýäris. "Gadamly Inžener" kompaniýasy, müşderiniň isleglerine laýyklykda ýerine ýetirilýän gurluşyk hyzmatlarynyň doly toplumyny hödürleýär.  Ýaşaýyş we pes gatly binalary, ofis we täjirçilik binalaryny, senagat we önümçilik desgalaryny, umumy we aýratyn maksatlar üçin ýaşaýyş däl binalary - sport toplumlary we dynç alyş ýerleri ýaly islendik çylşyrymly binalary we desgalary gurmakda şeýle hem binalaryň durkuny täzelemekde tejribämiz bar.

"Demirgazyk söwda ýoly" Hojalyk Jemgyýeti 2022-nji ýylyň ýanwar aýynda döredildi. Işimiziň esasy ugry import - eksport etmek: metal önümleri, awtoulag şaýlary, himiýa, nebit we gaz pudaklary üçin enjamlar. Ähli awtoulag markalary üçin ätiýaçlyk şaýlaryny we tekerlerini hödürleýäris.

2009-njy ýylda esaslandyrylan kompaniýamyz, häzirki wagtda bu pudakda ygtybarly we gözlenýän lider statusyny almak hormatyna eýe boldy. “Täç Hil” giň gerimde ýokary hilli önümleri hödürleýär, ilkinji nobatda çygly süpürgiçler, şahsy ideg önümleri, suwuk soda we “Täç Hil” markasy astyndaky polietilen haltalar.

Hususy telekeçi lomaý we bölek söwda bilen meşgullanýar. Esasy maksat sargyt edilen harytlary üpjün etmek we satmak. Töwekgelçilikleri kabul etmek we çeşmeleri meýilleşdirmek, guramak we ýerleşdirmek, köplenç täze önümleri döretmek ýa-da bar bolan önümleriň hilini ýokarlandyrmak üçin innowasiýa arkaly bazar mümkinçiliklerinden peýdalanmak.

"Damja Boýag" uzak wagtdan bäri içerki gurluşyk materiallaryň bazarynda öz ornuny ýitirmäni gelýär. Öz öndürýän boýag emulsiýalarymyzy satýarys. Hünärmenler tarapyndan toplanan bilim we tejribe, sarp edijilerimiziň barha artýan isleglerini kanagatlandyryp bilýän ýokary hilli boýag emulsiýasyny döretmäge we öndürmäge ukyplydyrys.  "Damja" brendini saýlamak bilen - Siz iň gowy önümleri alyp bilersiňiz!

"ECA Serel" firmasynyň Türkmenistandaky resmi wekili Sizi hammam, aşhana we duş üçin santehniki önümleri we esbaplary bilen tanyşmaga çagyrýar. Sergi otagynda hammam we aşhana üçin zerur önümleri tapyp bilersiňiz: rakowinalar, smesiteller, unitazlar, hammam mebelleri, gaz we elektrik kombilar, gyzdyryjy radiatorlar we başgalar. "ECA Serel" önümleri ygtybarlylygy, berkligi we ajaýyp dizaýny bilen tapawutlanýar. Tejribeli satyjy işgärlerimiz öý üçin santehniki önümleriniň dürli görnüşlerini öýüň aýratynlygyna we ulanylyş maksadyna görä saýlap almakda Size ýardam bererler.

Kärhana 2016-njy ýylyň noýabr aýynda döredilip, şondan bäri  "Hyundai Engineering Co.Ltd." kompaniýasynyň desgalaryny gorag hyzmaty bilen üpjün edip gelýär. Bulardan başga-da awtoulaglary abatlamak, ýuwmak we çaýhana ýaly ilat hyzmatlaryny hem amala aşyrýar. 2021-nji ýyldan başlap kärhana Hazar deňziniň "Garşy" medançasy açyk deňizde balyk tutmaklyk üçin pasportlaşdyrylyp berildi. Kärhana daşary ýurt kompaniýalary bilen söwda aragatnaşygyny hem saklaýar.

"TwinLime Group" kompaniýasy 2011-nji ýyldan bäri bazarda işläp gelýän, Türkmenistandaky iýmit komponentleriniň esasy üpjünçileriniň biridir. Kompaniýa içgileri, konditer, et we beýleki azyk önümlerini öndürijiler üçin iýmit goşundylarynyň hem-de komponentleriniň hünärmen derejesindäki üpjünçiligi boýunça ýöriteleşýär. Biz Ýewropanyň öňdebaryjy öndürijileri bilen hyzmatdaşlyk edýäris we hil hem-de howpsuzlyk baradaky häzirki zaman talaplaryna laýyk gelýän çözgütleri hödürleýäris. "TwinLime Group" durnukly üpjünçiligi, tehniki goldawy we müşderiniň wezipelerine görä önümleriň aýratynlykda saýlanylmagyny üpjün edýär. Biziň hünärmenlerimiz resepturany, tehnologiýany we önümçiligiň talaplaryny göz öňünde tutup, iň amatly çözgüdi saýlamaga kömek edýärler. Biz uzak möhletleýin hyzmatdaşlyga, ygtybarlylyga we assortimentiň yzygiderli ösdürilmegine gönükdirilendiris. "TwinLime Group" — azyk senagatynyň kärhanalary üçin hünärmen hyzmatdaşdyr.

Dag Etek, 107 işgäri bolan hususy kärhana bolup, 2016-njy ýylda esaslandyryldy we öz işine Türkmenistanyň çäginde we  halkara ulgamda  Russiýa, Türkiýe, Özbegistan, Owganystan, Eýran, Azerbaýjan, Gürjüstan ýaly ýurtlara gurluşyk taslama materiallaryny we dürli ýükleri daşamak bilen başlady. 2018-nji ýylyň maý aýyndan başlap, Dag Etegiň eýeçiligindäki 100-den gowrak ýörite maksatly gurlyşyk tehnikalar we enjamlar bilen (ýörite agyr tehnikalar hemde ýokary basyşly enjamlar bilen) üpjün etmek işine,  Bouygues Batiment International, Renesans Türkmen, Wozrojdeniye AO ýaly abraýly gurluşyk taslamalaryna işjeň gatnaşdyk. Toparymyz 2018-nji ýylyň Noyabr aýyndan 2021-nji ýylyň Maý aýyna çenli 24 halkara asyl enjam öndürijilerinden 110 şertnama arkaly 60 ýerli müşderi üçin 139 amal üpjünçiligi ýerine ýetirdi. Dag Etek, müşderilerimiziň isleglerini kanagatlandyrmak, kadalaşdyryjy talaplary ýerine ýetirmek we täsirli hil ulgamyny üznüksiz gowulaşmak we saklamak maksady bilen  ISO 9001: 2015 sertifikaty arkaly öz hyzmatlaryny kepillendirdi.

Altyn Kanun hukuk firmasy 2008-nji ýylda esaslandyryldy. Altyn Kanun ykdysadyýetiň dürli pudaklarynda işleýän öňdebaryjy transmilli korporasiýalaryna, iri milli we halkara maliýe institutlaryna, maýa goýum gaznalaryna, döwlet edaralaryna, iri içerki we daşary ýurt kompaniýalaryna giň gerimli hukuk hyzmatlaryny hödürleýär. Şeýle-de, Altyn Kanun Türkmenistandaky akkreditlenen daşary ýurtlaryň diplomatik wekilhanalaryna we halkara guramalaryna maslahat berýär. Halkara standartlaryny we işewürligi alyp barmagyň etiki kadalaryny eýerip, kärhana Türkmenistanda hukuk tejribesiniň däplerini saklaýar we ösdürýär. Altyn Kanun giň tejribä eýedir we maýa goýum taslamalary boýunça öňdebaryjy orunlary tutýar. Kärhana ýokary hünärliligi, degişli ukyplylygy, pudagyň aýratynlyklaryny bilmekligi talap edýän çylşyrymly taslamalary durmuşa geçirmek bilen tanalýar. Şeýle-de, Altyn Kanun özüniň kazyýet we arbitraž tejribesi arkaly uly abraý gazandy. Kärhananyň hukukçylary täjirçilik, salgyt, zähmet işi, raýat-hukuk jogapkärçiligi, ýitgiler, paýdarlaryň arasyndaky gapma-garşylyklar we ş.m. bilen baglanyşykly çylşyrymly jedellerde müşderilere wekilçilik edýärler. Kärhana öz müşderilerine Türkmenistanyň işjeň ösýän iş gurşawynda işewürligiň ähli hukuk nukdaý nazarlary boýunça giň gerimli hukuk hyzmatlaryny hödürleýär. Kärhananyň tejribesi esasan Türkmenistanyň ykdysadyýetiniň şu aşakdaky pudaklaryna gönükdirilendir: nebit we gaz toplumy, himiýa senagaty, energetika, magdançylyk senagaty, gurluşyk, banklar we maliýe guramalary, ulag we logistika, telekommunikasiýa, söwda, dokma senagaty, myhmansöýerlik we dynç alyş we ş.m. Ygtybarly halkara hyzmatdaşlar kärhana diňe bir Türkmenistanyň çäginde däl, eýsem halkara hyzmatdaşlary arkaly dünýäniň dürli künjeklerinde müşderileriň isleglerini ýerine ýetirmäge mümkinçilik berýär. 2008-nji ýyldan 2018-nji ýyla çenli on (10) ýylyň dowamynda Altyn Kanun hukuk firmasy meşhur “Dentons” halkara hukuk firmasynyň assosirlenen agzasydy. Altyn Kanun Türkmenistanyň Senagatçylar we telekeçiler birleşmesiniň hyzmatdaşy we Türkmenistanyň Söwda-senagat edarasynyň agzasy bolup durýar.