Türkmenistanda «rysgally ussat»

Iň oňaýly meýdanda ýerleşýän esasy desgamyz (11,000 m2) ýerleşip, häzirki garyşyk we himiýa kompaniýasy üçin ajaýyp ýer bolup hyzmat edýär. Biz hilli laboratoriýa synaglaryny geçirýän we müşderilerimize iň ýokary derejeli gaýtadan işleýän himiki serişdeleri hödürleýän ýeke-täk ýerli kompaniýa.  Müşderilerimiziň isleglerini kanagatlandyrmak bilen iň ýokary ülňüleri berjaý edýändigimize güwa geçýäris. 2019-njy ýylda çig nebit eksporty üçin PPD önümçiligine başladyk.

Jebel şäherçesinde ýerleşýän Hojalyk jemgyýetimiz 2023-nji ýylda açylyp, onda “Çyrag” haryt nyşanly ýagtylyk güýji 6-50 wat aralygynda bolan LED lampalaryň 10-dan gowrak görnüşi öndürilýär. Ýaşlaryň birbada 40-a golaýyny iş bilen üpjün edýän önümhanada taýýarlanylýan ýokary hilli lampalar sarp edijileriň uly isleginden peýdalanýar.   Rysgally Nesip HJ-de durnukly önümçilik we ykdysady çözgütler bilen üpjün etmegi maksat edinýäris. Ekologiýa taýdan arassa we energiýa tygşytlaýan önümleri gözleýān dünýäde, häzirki zaman we innowasiýa önümçilik usullaryny ulanyp, Türkmenistanda ýokary hilli yşyklandyryş çözgütlerini öndürýäris. Biziň maksadymyz, energiýa netijeliligini ýokarlandyrmak arkaly sarp edijiler üçin býudjet üçin amatly wariantlary hödürlemek bilen tebigaty goramaga goşant goşmak.   •    Az energiýa sarp edýän LED lampalar •    Ekologiýa taýdan arassa lampalar •    Ýokary netijlilik yşyklandyryş Çözgütleri

"Rysgally Deniz" hojalyk jemgiýeti 2023-nji ýylda esaslandyryldy. Türkmenbaşy şäheriniň amatly geografiki ýerleşişi, işimiziň köp ugurlaryny ösdürmäge we durmuşa geçirmäge mümkinçilik berýär. Ýurdumyzyň içinde we goňşy ýurtlarda, Ýewropada we Aziýada hyzmatdaşlar bilen işjeň hyzmatdaşlyk edýäris; Işimiziň üstünlikli bolmagynyň esasy faktorlarynyň biri hünärmenlerimiziň müşderilere berýän öz wagtynda we ýokary hilli hyzmatlarydyr. Hyzmatlary hödürlänimizde ileri tutýan zatlarymyz hil kepiligi, dogruçyllyk we aç-açanlykdyr. Ähli iş ugurlarymyz, Türkmenistanyň kanunçylygynda talap edilýän degişli ygtyýarnamalar we şahadatnamalar bilen tassyklandyr.

"Çeper Ussat", lift bazaryndaky täze kompaniýa. Kompaniýamyzyň tejribeli işgärleri kepillik hyzmatyny we tehniki hyzmaty, şeýle hem liftleriň we eskalatorlaryň ähli howpsuzlyk talaplaryna laýyklykda durkuny täzeleýärler. Biz ýokary hilli we gysga wagtyň içinde liftleri bölekleýin dikeltmek we işe girizmek, şeýle hem desganyň döwlet standart edaralaryna tabşyrylmagy bilen göteriji enjamlary abatlamak we dikeltmek işlerini amala aşyrýarys. Şeýle hem, şahsy raýatlar bilen hem işleşýäris - hususy öýlerde we iki gatly öýlerde kottej liftleriň tehniki ideg hyzmatyny ýerine ýetirýäris. "Çeper Ussat" kompaniýasynyň ýörelgesi, "Her etapda işiň hil taýdan ýerine ýetirilmegi". Ýokardaky belgä ýüz tutup bilersiňiz we lift gurluşlaryna ýokary derejede hyzmaty kepil geçýäris.

“Emir-Ussa” hususy kärhanasy 2009-njy ýylyň 23-nji oktýabrynda hasaba alnyp, Döwlet ygtyýarnamalaryny almak bilen esasy işi - toplumlaýyn taslama we binagärlik işleri, jaýlaryň umumy gurluşygy, gurluşyk-gurnama işleri, abatlaýyş-gurluşyk işleri, raýat inženerçilik işleriniň gurluşygy, şol sanda senagat inženerçilik desgalarynyň gurluşygy, daşky we içki inženerçilik ulgamlaryny gurnamak, işe goýbermek, abatlamak, suw we lagym ulgamlaryny gurmak, gidrotehniki we suw hojalyk desgalarynyň gurluşyk işleri; - 10 kw çenli elektrik toguny geçiriji ugurlaryny gurmak işleri, 10 kw çenli elektroenergetika enjamlary gurnamak işleri we 10 kw çenli elektroenergetiki ulgamynda taslamalary işläp düzmek we ýerine ýetirmek işleri; - nebit-gaz toplumynyň we howply desgalaryň gurluşygynda we suw arassalaýjy desgalarda enjamlary gurnamaklyk, şol sanda enjamlaryň goýberiş-sazlaýyş işleri; - bug gazany-gözegçilik desgalarynyň senagat howpsuzlygy boýunça işleri; - ýük awtoulag serişdeleriniň işlerini ýerine ýetirmekden ybarat bolup durýar.

“Del” hojalyk jemgyýeti, 2011 ýylyň fewral aýynda açyldy. Del hojalyk jemgyýetiniň ýerine ýetirýän işiniň esasy ugry polietilenden we polipropilenden dürli ölçeglerde paketler,  polietilenden we polipropilenden ýeňlik, ýarym ýeňlik we polotno görnüşinde plýonka öndürmek bolup durýar.

'Halkara ulag-ekspeditorçylyk hyzmartlary kompaniýasy bolan "Ýolaşan" 2012-nji ýyldan bäri Türkmenistanda ýük gatnawlary ugry boýunça üstünlikli işläp gelýär we şol sanda demirýol logistika ugry boýunça-da 10 ýyldan köpräk tejribesi bar. Esasy kämilleşen iş ugry demirýol ýük gatnawlaryny import / eksport etmek we ýüklenen/ boş wagonlary Türkmenistanyň we GDA ýurtlarynyň üstünden geçirmek bolup durýar. Bu kompaniýa, GDA ýurtlarynyň, şeýle hem Owganystanyň we Eýranyň ýük ekspeditor kompaniýalary bilen gazanylan hyzmatdaşlygyň esasynda harytlary eltip bermek üçin iň jedelli we kyn şertlerde çözgütleri hödürläp biler we borçnamalaryň durnuklylygyny üpjün edip biler. Biziň kompaniýamyz yzygiderli ösýär we ulalýar, mümkinçilikleriniň gerimini giňeldýär, hödürlenýän hyzmatlaryň hilini we transport geografiýasyny ýokarlandyrýar.  ''Ýolaşan'' hususy kärhanasy halkara ulag-ekspeditorçylyk hyzmartlary bilen bir hatarda ýurdumyzyň çäginde eksport, import, tranzit ýüklerini dürli ulaglara ýüklemek, düşürmek we ammarlarda saklamak ýaly hyzmatlary hem ýerine ýetirýär. Bu işleri ýerine ýetirmek üçin kärhanamyzda ýörite ýük göteriji tehnikalaryň, işine ussat hünärmenleriň we ammarlaryň bolmagy müşderileriň bildirýän talaplaryna laýyk amatly şertleri döredýär.

"Ussat Birleşik" Türkmenistanda ulag we ekspeditor hyzmatlary boýunça öňdebaryjy kompaniýalaryň biridir. Biziň kompaniýamyz marşruty we çykdajylary saýlamak boýunça çeýe iş meýilnamasyny ýerine ýetirýär we hyzmatdaşlyk amatly şertlerde amala aşyrylýar! Bize bil baglap, ulag kompaniýamyza ynanyp bilersiňiz, biz bolsa öz gezegimizde size ýokary hilli hyzmatlary bereris. Ýükleriňizi daşamakda wagtyňyzy, puluňyzy we nerwleriňizi tygşytlamaga kömek ederis!

"Balkan Ussat", dürli kategoriýalaryň obýektleri üçin diňe subut edilen we ygtybarly howpsuzlyk çözgütleri bilen işleýär. Size iň ösen rus we daşary ýurt öndürijilerinden howpsuzlyk enjamlaryny hödürleýäris. Dürli maksatlar üçin enjamlar bilen işleýäris, her gezek müşderilerimize diňe gowularyny hödürleýäris. Bize ýüz tutmak bilen, peýdaly, ygtybarly we amatly hyzmatdaşlyk üçin amatly şertler alarsyňyz.

"Rysgally Gap" hususy kärhanasynda her günde ýokary hilli sintetiki haltalaryň we dürli ölçegde (40 sm-den 85 sm) halta ýeňlikleriň müňlerçesi öndürilýär. Kärhanada Hytaý Halk Respublikasynyň ösen enjamlary ornaşdyrylan. Hususy kärhanada polipropilenden öndürilen haltalar senagat harytlaryna, polietilen haltalar bolsa azyk önümlerine niýetlenilendir. Önümçilikde zerur bolan çig mal, Türkmenbaşynyň Nebiti gaýtadan işleýän zawodlar toplumyndan hem-de Gyýanlydaky polimer zawodyndan getirilýär. Bu döwrebap hususy kärhanada hünärmenleriň 40-a golaýy zähmet çekýär. Işler doly awtomatlaşdyrylan usulda dolandyrylýar. "Rysgally Gap"-yň önümleri diňe bir ýurduň içerki bazaryna däl, eýsem Russiýa Federasiýasy, Gazagystan, Ukraina we Owganystan ýaly döwletlere-de eksport edilýär.

"Rysgally Taslama" kompaniýasy 2013-nji ýyldan bäri taslama işlerini alyp barýar. Ýyllaryň dowamynda köp taslamalar işlenip düzüldi, köpüsi durmuşa geçirildi. Ýokary hünärli hünärmenleriň bolmagy we giň iş tejribesi müşderilere her bir anyk obýekt üçin iň amatly çözgütleri hödürlemäge mümkinçilik berýär, şeýlelik bilen hyzmatlaryň hilini we amatly şertlerini üpjün edýär.

Türkmenistanyň Senagatçylar we telekeçiler birleşmesiniň agzasy bolan “Türkmeniň rysgaly” hususy kärhanasy tarapyndan 2016-njy ýyldan bäri "Ak bulut" haryt nyşany bilen dünýä ülňülerine laýyk gelýän halkyň sarp edýän önümleri öndürilip gelýär we halka ýetirilýär. “Ak-bulut”markasy bilen  öndürilýän  önümler özüniň ýokary hili, ekologiki taýdan arassalygy, häzirki zaman ösen tehnologiýa esasynda  halkara ölçeglerine laýyk gelýän önüm hökmünde tanalýar.