Türkmenistanda «ogşuk eti»

Kompaniýanyň işiniň esasy ugry daýhançylykdyr. Kompaniýanyň her meýdany 20 gektar bolan 3 sany ýyladyşhanalary bar. Şeýle hem 500 gektar ekin meýdany. Türkmenistandaky iň iri haýwan fermalarynyň birini öz içine alýar.

“Del” hojalyk jemgyýeti, 2011 ýylyň fewral aýynda açyldy. Del hojalyk jemgyýetiniň ýerine ýetirýän işiniň esasy ugry polietilenden we polipropilenden dürli ölçeglerde paketler,  polietilenden we polipropilenden ýeňlik, ýarym ýeňlik we polotno görnüşinde plýonka öndürmek bolup durýar.

1992-nji ýylda esaslandyrylan «Beýiklik» Hojalyk jemgyýeti ýaşaýyş jaýlarynyň, söwda, jemgyýetçilik we senagat desgalarynyň içerki howa şertlerini sazlamak pudagynda, ammarlar üçin sowadyjy enjamlar babatynda hyzmatlaryň giň gerimini hödürleýär. «Beýiklik» Hojalyk jemgyýetiniň gatnaşmagynda enjam satyn alaňyzda, biz öndüriji bilen bilelikde üpjün edilen enjamlara hyzmat edişi öz içine alýan 3 ýyllyk öndüriji kärhana kepilligini berýäris. Zerur bolanda, biziň inženerlerimiz taslama tapgyrynda häzirki zaman kompýuter programmalaryny ulanyp, enjam modellerini dogry saýlamaga gatnaşarlar.

“Türkmen ýyldyzy” hojalyk jemgyýeti 15 ýyldan gowrak energetika pudagynda dürli çylşyrymly inženerçilik çözgütleri amala aşyrmak işlerini ýerine ýetirýär. Kärhanada 2020-nji ýyldan başlap ýokary hilli sim we kabel önümleriniň dürli ölçegdäki görnüşlerini öndürmekligiň tehnologiýasy önümçilige ornaşdyryldy. Bu önümçiligiň ýola goýlanyna köp wagt geçmedik hem bolsa, kärhananyň «Gerim» haryt nyşanly elektrik geçirijilerine ýurdumyzyň ähli künjeginde hem uly islegiň bolmagy bu ýerde önümçiligiň tehniki talaplara doly laýyk ýola goýlandygynyň subutnamasydyr.

"Misgär" hojalyk jemgyýeti 2000-nji ýylda konditer önümlerini öndürip başlady. Ýokary hilli önümlerden her dürli tagamlarda kökeler we waflilar öndürilýär.

"Demirgazyk söwda ýoly" Hojalyk Jemgyýeti 2022-nji ýylyň ýanwar aýynda döredildi. Işimiziň esasy ugry import - eksport etmek: metal önümleri, awtoulag şaýlary, himiýa, nebit we gaz pudaklary üçin enjamlar. Ähli awtoulag markalary üçin ätiýaçlyk şaýlaryny we tekerlerini hödürleýäris.

"Yupek Yol Harytlary" hojalyk jemgyýeti nebit ýataklarynda nahar üpjünçiligi, motor ýaglarynyň paýlanylyşy we azyk önümleriniň importy bilen meşgullanýar. Hyzmatlarymyz müşderiniň islegine görä taýýarlanýar, hil, talaplara laýyklyk we netijelilik esasy ýörelgämizdir.

"Syrly Ada" Hojalyk  Jemgyýeti 2018-nji ýylda öz işine başlady we Türkmenistanyň bazarynda tagamlandyrjy önümçiliginde ilkinjileriň biridir. Assortimentde daşary ýurt öndürijileriniň öndürýän önümleriniň hilinden pes bolmadyk harytlaryň köp görnüşini öz içine alýar. Tagamlandyryjylara ýurdumyzyň dürli künjeklerinde uly isleg bildirilýär.

2016-njy ýyldan bäri kärhanamyz ýokary hilli çaphana hyzmatlaryny ýerine ýetirýär. Mundan başgada jiltlemek, bezeg işleri, poligrafiýa hyzmatlaryny hem ýerine ýetirýäris. Kanselýariýa, ofis we mekdep üçin harytlarynyň satuwyny amala aşyrýarys.

Daşary ýurtdan getirilýän önümleriň ornuny tutýan önümleri özümizde öndürmek maksady bilen 2019-nji ýylda “Türkmen Senet” hojalyk jemgyýeti Ahal welaýatynyň Ak bugdaý etrabynda daşary ýurtdan getirilen enjamlar toplumy bilen enjamlaşdyrylan önümçilik binasynda gözel diýarymyzda ilkinji bolup SPANBOND ýagny dokalmadyk mata önümçiligini ýola goýdy.

Siziň howpsuzlygyňyz baradaky aladamyz biziň başlangyç nokadymyz boldy.  “Ajap Önüm” hojalyk jemgiýeti siziň howpsuz ýol hereketiňiz üçin berk we ýokary hilli tormoz kolodkalary öndürýär. Tebigata zyýansyz önümçilik biziň esasy üns merkezimizde. Şonuň üçin hem önümlerimiziň we önümçilik tehnologiýalarymyzyň ekologiýa taýdan zyýansyz bolmagyna aýratyn ähmiýet berýäris. Esasy aýratynlyklarymyzyň ýene biri hem,Türkmenistanda ilkinji tormoz kolodkalary öndürýän kärhana bolmagymyzdyr. Biz azbestsiz keramiki togtatyjy kolodkalary öndürmek üçin innowasiýon tehnologiýalary ulanýarys. Öňde goýan esasy wezipämiz, önümleriň dürli görnüşi bilen müşderilerimiziň talaplaryna jogap bermek we olaryň hoşallygyny gazanmakdyr. Biziň maksadymyz, tormoz kolodka bazarynda iň halanýan we saýlanýan marka bolmakdyr. GUNT- Ýyndamlygyň arkasyndaky täsin güýç.

“Ajaýyp Görk” hojalyk jemgyýeti 2011-nji ýyldan bäri jaýlaryň içki we daşky bezegleri bolan penoplastdan karniz we kolonna ýaly önümleri ýokary hilli öndürýär. Biziň penoplast önümlerimiziň öz agramy ýeňil bolup, gurnamak işlerinde kynçylyk döretmeýär. 100-den gowrak görnüşlerimizden öz islegiňize görä bezeg önümlerimizden saýlap bilersiňiz. Döwrebap we haýbatly jaýlaryň bezegi bolan daşky gurşaw detallar howlyňyza täze görk goşar.