IKI Dogan Hyzmaty

Motor ýaglarynyň awtoulagyň hereketlendirijisiniň ömrüni uzaltmakda esasy zatdygyny sürüjileriň ählisi biragyzdan makullasa gerek. Emma awtoulagyň üçin haýsy ýagyň gowudygy baradaky sowal babatda welin sürüjiler dürli-dürli pikirde bolup biler. Häzirki wagtda türkmen bazarynda dünýä belli motor ýaglarynyň dürli görnüşleri bar. Şeýle ýaglaryň biri hem, 2019-njy ýyldan bäri türkmen bazaryndan mälim bolan Technol ýaglarydyr. "Iki Dogan Hyzmaty" HK Technol kompaniýasynyň Türkmenistandaky resmi dileri bolup durýar. Technol kompaniýasy iň täze tehnologiýany ulanmak bilen önümleriniň hilini yzygiderli ýokarlandyrmagy, sarp edijileriň isleglerini kanagatlandyrmagy, täze bazarlara çykmagy we nebit önümlerini öndürmekde öňdebaryjylaryň hatarynda bolmagy maksat edinýär.

Technol kompaniýasynyň işiniň esasy ugry dünýä belli haryt nyşanlarynyň görkezijilerine laýyk gelýän ýaglary hemmeler üçin elýeterli bahadan hödürlemek bolup durýar. Technol kompaniýasy tarapyndan öndürilýän ýokary hilli önümler gysga wagtda müşderileriň göwnünden turmagy başardy. Technol ýaglary bu günki gün onlarça döwlete, şol sanda Türkmenistana iberilýär. Türkmenistanda Technol ýaglarynyň ulaglaryň ähli görnüşleri üçin niýetlenen giň toplumy hödürlenilýär.