Türkmenistanda «gurluş»

Kompaniýa 2015-nji ýylda hasaba alyndy. Jemgyýetiň zerurlyklaryny kanagatlandyrmak üçin önümleriň (harytlaryň) öndürilmegine, hyzmatlaryň (işleriň) ýerine ýetirilmegine we gönükdirilen çäreleri amala aşyrmak maksady bilen döredildi.

Ak-Gaýa hojalyk jemgyýeti 1994-nji ýyldan bäri gurluşyk garyndylaryny we materiallaryny satmakda we öndürmekde ýöriteleşýär we bu önümleriň Türkmenistandaky iň iri öndürijisi bolup durýar.      Häzirki wagtda kärhana perlitli suwag garyndysy, şpatlýokwa soňky gat, enjam suwag garynysy, gurluşyk gips garyndysy ýaly gurluşuk garyndy materiallary we gipsokartonyň (alçipan) 3 görnüşi: Standart, suwa çydamly we oda çydamly görnüşlerini öndürýär. Biziň harytlarymyz ýokary hilli bolup , dünýä standartlaryna doly laýyk gelýýär we önümçilikde häzirki döwürde gazanylan iň täze tehnologiýalary ullanylýar.

Lebap oteli 2013-nji ýylda gurlup ulanylmaga berildi. bu otelda dynç alyş mümkinçiliklerinden daşary diş bejergisini almak bolýar. 2 adamlyk, lýuks, super-lýuks otaglarymyz bar.

"Ýüpek ýoly" kottežlar kompleksi 2013-nji ýylda gurlup ulanmaga berildi. Bu 160 orunlyk dynç alyş kompleksi özüniň ýokary hyzmat edijilik ukyby bilen tapawutlanýar. Kottežimizde 2 we 4 adamlyk otaglarymyz bar.

'“Gök-Böri” hususy kärhanasy inženerçilik işleri ugrundan gurluşyk-gurnama işleri we gurluşyk materiallarynyň söwdasy hyzmatlary bilen giň gerimli işleri alyp barýan kärhanadyr. Kärhana ýörite gurluşyk-gurnama, abatlaýyş we abadanlaşdyryş işlerini ýokary hili ýerine ýetirýär. Şeýle hem gaz üpjünçilik, ýyladyş (otoplenie), suw we lagym ulgamlaryny geçirmek, howalandyrma we kondisionirleme, ýangyna garşy gidrantlary şkaflary, suw sorujylary gurnamak hem-de enjamlara we stanoklara dublikat passportlary ýasap bermek hyzmatlaryny amala aşyrýar. Mundan başga-da defekteskopiýa, gazanalizator tehniki synag işleri, gaz üpjünçiliginiň we gazanhananyň (kotelni) taslamalaryny taýýarlamak gurnamak işlerini we dürli inženerçilik işleriniň hyzmatlaryny ýerine ýetirip, müşderilere dōwrebap we ygtybarly çözgütleri hödürleýär. Tejribeli hünärmenler häzirki zaman tehnologiýalary arkaly işleýärler. “Gök-Böri” hususy kärhanasy 2009-njy ýyldan bäri watanymyza halkymyza ýokary derejeli hyzmatlary edip, gurluşyk pudagynyň ösüşine mynasyp goşandyny goşup gelýär.

Daşoguz oteli 282 orunlyk sagaldyş we dynç alyş merkezi bolup, 2013-nji ýylda gurlup halkyň hyzmatyna berildi. Otelda 2 adamlyk otaglar, lýuks otaglar, maşgala otaglar we apartamentlar göz öňünde tutulandyr. Bulardan başgada otelda dynç almak üçin ähli şertler döredilen.

“Arzyly Sepgit” hususy kärhanasy 2014-nji ýylyndan bäri Türkmenistanyň gurluşyk bazarynda işläp gelýär. “Arzyly Sepgit” hususy kärhanasy gurluşyk we abatlaýyş işlerini ýerine ýetirýär, şeýle hem täjirçilik desgalaryny gurmagy amala aşyrýar, kwartiralaryň bezegini we hususy ýaşaýyş jaýlarda abatlaýyş işlerini ýerine ýetirýär. Köp taslamanyň üstünlikli we netijeli durmuşa geçirilendigi sebäpli özümizi bu pudakda hünärmen diýip atlandyryp bileris. Biz ýokary tehnologiýaly enjamlary, häzirki zaman ýokary derejeli gurluşyk materiallaryny we ösen tehnologiýalary ulanýarys. “Arzyly Sepgit” hususy gurluşyk firmasy diňe bir bellenilen möhletleri ýerine ýetirmek bilen çäklenmän, wagtyňyzy ýitirmezlik üçin ylalaşylan wagtdan has çalt işlemäge synanyşýar.

Älemgoşar seýilgähi 2015-nji ýylda gurlup ulanmaga berildi we dynç alyş merkezleriň arasynda uly höwes bilen syýahat edilýän seýilgähleriň birine öwrüldi. bu ýerdäki atraksiýon we oýun awtomatlary özüne çekijiligi bilen tapawutlanýar.

"Mizemez Gadam" 1994-nji ýyldan bäri gurluşyk işlerini alyp barýar. Birnäçe ýyl ozal kompaniýamyz üçek rulon izolýasiýa materiallaryny, mastiki we gury gurluşyk garyndylaryny öndürmek üçin innowasiýa kärhanasyny döretdi. Zawodyň meýilleşdirilen kuwwaty aýda 5 tonna önümden ybarat bolup, şol bir wagtyň özünde ýokary derejeli awtomatlaşdyryş, hiliň durnuklylygy, önümleriň köp görnüşi we önümleriň täze görnüşlerini çykarmak üçin enjamlary çalt sazlamak ukyby üpjün edilýär. Häzirki wagtda kompaniýamyz Türkmenistanda rulon izolýasiýasynyň öňdebaryjy öndürijisine öwrüldi. Bu önümleri sarp edijiler Türkmenistanyň gurluşyk bazarynda işleýän içerki gurluşyk kärhanalary we daşary ýurt kompaniýalarydyr.

“Emir-Ussa” hususy kärhanasy 2009-njy ýylyň 23-nji oktýabrynda hasaba alnyp, Döwlet ygtyýarnamalaryny almak bilen esasy işi - toplumlaýyn taslama we binagärlik işleri, jaýlaryň umumy gurluşygy, gurluşyk-gurnama işleri, abatlaýyş-gurluşyk işleri, raýat inženerçilik işleriniň gurluşygy, şol sanda senagat inženerçilik desgalarynyň gurluşygy, daşky we içki inženerçilik ulgamlaryny gurnamak, işe goýbermek, abatlamak, suw we lagym ulgamlaryny gurmak, gidrotehniki we suw hojalyk desgalarynyň gurluşyk işleri; - 10 kw çenli elektrik toguny geçiriji ugurlaryny gurmak işleri, 10 kw çenli elektroenergetika enjamlary gurnamak işleri we 10 kw çenli elektroenergetiki ulgamynda taslamalary işläp düzmek we ýerine ýetirmek işleri; - nebit-gaz toplumynyň we howply desgalaryň gurluşygynda we suw arassalaýjy desgalarda enjamlary gurnamaklyk, şol sanda enjamlaryň goýberiş-sazlaýyş işleri; - bug gazany-gözegçilik desgalarynyň senagat howpsuzlygy boýunça işleri; - ýük awtoulag serişdeleriniň işlerini ýerine ýetirmekden ybarat bolup durýar.

“Ak Hünji” HJ, Türkmenistanda giňeldilen polistiroldan (EPS) ýylylyk izolýasiýa we bezeg gurluşyk materiallarynyň, şeýle hem sendwiç panelleriniň öndürijisi.

2005-nji ýyldan bäri gurluşyk we beýleki önümçilik edaralar we kärhanalar üçin işçi geýim-eşikleri tikýäris. Işçi geýim-eşikleri dürli pasyllar üçin hem tikýäris. 2005-nji ýyldan bäri köp sanly iri we orta önümçilik we gurluşyk edaralar we kärhanalar, daşary ýurt firmalar bilen işleşip gelýäris. Gap Inşaat, Ilk Inşaat, Petronas, Polimeks, demirbeton önümçilik kärhanalary, sement zawodlary ýaly kärhanalara işçi eşikleri tikip berdik. Biz müşderileriň islegi boýunça dürli görnüşli geýim-eşigi sargyt boýunça hem tikip berip bilýäris.