Türkmenistanda «gadamly inžener»

Logistika "Gadamly Inžener" kompaniýasy, ähli görnüşli ulaglary ulanyp, logistika, transport we ekspeditor hyzmatlaryny hödürleýär. Ulagyň iň amatly bahasy, netijeliligi, ulagy öz wagtynda eltip bermek we resminamalary taýýarlamak, ammarda ýokary hilli öndürijilik we ýüklemek amallary, her bir müşderä aýratyn çemeleşmek, kompaniýamyzyň esasy ileri tutýan ugurlarydyr. Türkmenistanyň çäginde, GDA ýurtlarynda we bütin dünýäde ýük daşaýarys. Gysga wagtyň içinde kompaniýamyz köp tejribe toplady we giň hyzmatdaşlar, agentler ulgamyny döretdi. Kompaniýamyzdaky her bir buýrugyň ýerine ýetirilmegi öz ugrundaky hünärmenler tarapyndan amala aşyrylýar. Gurluşyk Şeýle hem, kompaniýamyz taslamalary hemmetaraplaýyn durmuşa geçirýär. Müşderilerimize gurluşyk üçin wagtyny we puluny ep-esli tygşytlamagy teklip edýäris. "Gadamly Inžener" kompaniýasy, müşderiniň isleglerine laýyklykda ýerine ýetirilýän gurluşyk hyzmatlarynyň doly toplumyny hödürleýär.  Ýaşaýyş we pes gatly binalary, ofis we täjirçilik binalaryny, senagat we önümçilik desgalaryny, umumy we aýratyn maksatlar üçin ýaşaýyş däl binalary - sport toplumlary we dynç alyş ýerleri ýaly islendik çylşyrymly binalary we desgalary gurmakda şeýle hem binalaryň durkuny täzelemekde tejribämiz bar.

«Ganatly gumrynyň» ileri tutýan ugry, ahyrky netijä uly üns bermek bilen özara peýdaly hyzmatdaşlykdyr. Biz müşderiler, hyzmatdaşlar we potratçylar bilen dostlukly gatnaşyk gurmaga çalyşýarys. Toparymyzyň esasy maksady – müşderilerimiziň kanagatlanmagyny üpjün etmek üçin iň oňat bahalar bilen amatly ugratma wagtlaryny hödürlemek.

"Batly-Gadam" hususy kärhanasy Balkanabat şäherinde önümçilik we tehniki bazasy bolan ýeňil senagat pudagynda iş alyp barýan iri hususy kärhanalaryň biri bolup, onuň esasy iş ugry pagta ýüplügi we jorap önümçiligi bolup durýar. Biziň "Batly-Gadam" hususy kärhanamyz ýurdumyzda ÿeňil senagaty ösdürmekde uly işleri alyp barýar. Kärhanada dünýäniň ýokary hilli enjamlary we täze innewasion öňde baryjy tehnologiýalary ornaşdyrylyp, bäş ýüze golaý iş orunlary döredilen. Kärhanamyzda pagta süýüminden ýylda 5000 tonnadan gowrak dürli görnüşdäki ýüplik önümlerini öndürilip, häzirki wagtda Türkiýe döwletine we Russiýa Federassiýasyna eksport edilýär. Mundan başga-da, öndürilen ýüplikleri boýamak üçin boýag enjamlary ornaşdyrylyp, ýylda 3500 tonna golaý ýüplikleri boýamak mümkinçiligimiz bar. Şeýle hem, kärhanamyz boýagly ýüpliklerden dürli görnüşdäki, bäsleşige ukyply, ýylda 18000000 jübütden gowrak joraplary öndürip, daşary ýurtlardan import bolup gelýän harytlaryñ ornuny tutýan ýokary hilìi önümleri öndürmek bilen meşgullanýar.

"Mizemez Gadam" 1994-nji ýyldan bäri gurluşyk işlerini alyp barýar. Birnäçe ýyl ozal kompaniýamyz üçek rulon izolýasiýa materiallaryny, mastiki we gury gurluşyk garyndylaryny öndürmek üçin innowasiýa kärhanasyny döretdi. Zawodyň meýilleşdirilen kuwwaty aýda 5 tonna önümden ybarat bolup, şol bir wagtyň özünde ýokary derejeli awtomatlaşdyryş, hiliň durnuklylygy, önümleriň köp görnüşi we önümleriň täze görnüşlerini çykarmak üçin enjamlary çalt sazlamak ukyby üpjün edilýär. Häzirki wagtda kompaniýamyz Türkmenistanda rulon izolýasiýasynyň öňdebaryjy öndürijisine öwrüldi. Bu önümleri sarp edijiler Türkmenistanyň gurluşyk bazarynda işleýän içerki gurluşyk kärhanalary we daşary ýurt kompaniýalarydyr.

“Emir-Ussa” hususy kärhanasy 2009-njy ýylyň 23-nji oktýabrynda hasaba alnyp, Döwlet ygtyýarnamalaryny almak bilen esasy işi - toplumlaýyn taslama we binagärlik işleri, jaýlaryň umumy gurluşygy, gurluşyk-gurnama işleri, abatlaýyş-gurluşyk işleri, raýat inženerçilik işleriniň gurluşygy, şol sanda senagat inženerçilik desgalarynyň gurluşygy, daşky we içki inženerçilik ulgamlaryny gurnamak, işe goýbermek, abatlamak, suw we lagym ulgamlaryny gurmak, gidrotehniki we suw hojalyk desgalarynyň gurluşyk işleri; - 10 kw çenli elektrik toguny geçiriji ugurlaryny gurmak işleri, 10 kw çenli elektroenergetika enjamlary gurnamak işleri we 10 kw çenli elektroenergetiki ulgamynda taslamalary işläp düzmek we ýerine ýetirmek işleri; - nebit-gaz toplumynyň we howply desgalaryň gurluşygynda we suw arassalaýjy desgalarda enjamlary gurnamaklyk, şol sanda enjamlaryň goýberiş-sazlaýyş işleri; - bug gazany-gözegçilik desgalarynyň senagat howpsuzlygy boýunça işleri; - ýük awtoulag serişdeleriniň işlerini ýerine ýetirmekden ybarat bolup durýar.

KIP Engineering, senagat pudagynyň inženerçilik ugrunda ähli işleri ýerine ýetirýän ýaş we maksadaokgunly kompaniýa. KIP -iň esasy işi aşakdakylara gönükdirilendir: Müşderiniň isleglerine laýyk gelýän çözgütleri saýlamak we işi ýerine ýetirmek, standart däl we çylşyrymly meseleleri ýerine ýetirmek, işinde häzirki zaman we ýokary tehnologiýaly çözgütleri ulanmak.

“Türkmen ýyldyzy” hojalyk jemgyýeti 15 ýyldan gowrak energetika pudagynda dürli çylşyrymly inženerçilik çözgütleri amala aşyrmak işlerini ýerine ýetirýär. Kärhanada 2020-nji ýyldan başlap ýokary hilli sim we kabel önümleriniň dürli ölçegdäki görnüşlerini öndürmekligiň tehnologiýasy önümçilige ornaşdyryldy. Bu önümçiligiň ýola goýlanyna köp wagt geçmedik hem bolsa, kärhananyň «Gerim» haryt nyşanly elektrik geçirijilerine ýurdumyzyň ähli künjeginde hem uly islegiň bolmagy bu ýerde önümçiligiň tehniki talaplara doly laýyk ýola goýlandygynyň subutnamasydyr.

"Rysgally Deniz" hojalyk jemgiýeti 2023-nji ýylda esaslandyryldy. Türkmenbaşy şäheriniň amatly geografiki ýerleşişi, işimiziň köp ugurlaryny ösdürmäge we durmuşa geçirmäge mümkinçilik berýär. Ýurdumyzyň içinde we goňşy ýurtlarda, Ýewropada we Aziýada hyzmatdaşlar bilen işjeň hyzmatdaşlyk edýäris; Işimiziň üstünlikli bolmagynyň esasy faktorlarynyň biri hünärmenlerimiziň müşderilere berýän öz wagtynda we ýokary hilli hyzmatlarydyr. Hyzmatlary hödürlänimizde ileri tutýan zatlarymyz hil kepiligi, dogruçyllyk we aç-açanlykdyr. Ähli iş ugurlarymyz, Türkmenistanyň kanunçylygynda talap edilýän degişli ygtyýarnamalar we şahadatnamalar bilen tassyklandyr.

Türkmenistanyň çäginde örän tiz wagtda kämillige tarap gadamyny basýan, ýaş we döwrebap kompaniýalaryň biri bolup polipropilenden taýýarlanylan multiflament ýüplükleri öndürmek we satmak işini alyp barýar. ÖNÜM AÝRATYNLYKLARY Önümlerimiziň ählisi aşakdaky aýratynlyklara eýedir: Multifilament ýüplüklerimiziň dykyzlygy (denýe) 150-den başlap 4000-e çenli ýetirmäge mümkinçiligimiz bar. UV yşyklary bilen durnuklaşdyrylan, ýaglanan, ýokary dartyş güýjine eýe ýüplükleri ähli fiziki we mehaniki aýratynlyklaryna esaslanyp birnäçe ýyllap saklamak mümkin. Multiflament ýüpliklerimiz dürli kislotalara, aşgarlara we erginlere çydamlydyr. Önümlerimiziň UV yşyklaryna çydamlylygy her üznükde 6,8-7.5 g / denier-e barabardyr. Müşderiniň islegine we sargydyna baglylykda, öndürilýän ýüpligiň reňkini, egrilik diametrini, agramyny we mukdaryny sazlap, ýene-de islege görä gutuda ýa-da paletde gaplap berýäris. Polipropilen halta lentalary we tikilen haltalar, ýüpler, remenler, şnurlar, dokalan matalar we dokalan torlar, önümçilikde ulanylýan uly torbalar, aýakgaplar, sumkalar we çemodanlary tikmek, matalary ýasamakda hem-de matalary tikilýän ýüpekleri ýasamakda has hem giňden ulanylýar.

Türkmenistanda ýaşaýyş, söwda we senagat taslamalarynda ondan gowrak dünýä markasynyň ýyladyş, sowadyş, wentilýasiýa we suw üpjünçiligi enjamlary bilen üpjünçilik edýäris.

"Döwletli Gadam" hususy kärhanasy 2022-nji ýylda açylyp, polipropilen halta önümçiligine başlady. Bu kärhana polipropilen haltalary dürli ölçeglerde sargyt boýunça öndürýär. Mundan başga-da kärhana rulon görnüşde haltalary hem öndürýär.

Biziň kompaniýamyz, ýüküňizi eltip bermek prosesini mümkin boldugyça amatly we täsirli etmäge synanyşýan hünärmenler toparydyr. Biz her bir müşderä baha berýäris we her meselä aýratyn çemeleşýäris. Biziň maksadymyz diňe bir ýük daşamak däl, eýsem ynam we özara düşünişmek esasynda uzak möhletleýin hyzmatdaşlygy döretmek.