Türkmenistanda «buz öndüriji»

“Kanagatly önüm” Hususy kärhanasy daşky gurşawyň howpsuzlygyny üpjün edýän tehnologiýa üçin daşky gurşaw goramak boýunça baglanyşykly resminamalaryny işläp düzmek hyzmatlary ýerine ýetirýär.   Ekologiýa boýunça hyzmatlarymyz: 1.Ekologiýa pasporty (her 5 ýyldan täzeläp durmaly) 2.Daşky gurşawa týetirilýän täsire baha bermek taslamasy (gurulýan desgalar - elektrik stansiýasyny, sement, asfalt, polietilen materiallaryny öndürýän zawod we ş.m. gurluşugynyň daşky gurşawa ýetirýän täsirini öwrenmek üçin bir gezek işlenip düzülýär, gurluşyk desgalar üçin azyndan 1 gezek edilýär) 3.Daşky gurşawy goramagyň meýilnama taslamasy (Gurluşyk desgalar üçin azyndan 1 gezek edilýär) 4.Rugsat edilýän aňryçäk dökündileriň kada görkezijileriniň taslamasy (READ her 3 ýyldan täzelenýär, suw desgalaryna dökündiler barada) 5.Rugsat edilýän aňryçäk zyňyndylaryň kada görkezijileriniň taslamasy (REAZ her 5 ýyldan täzelenýär) 6.Galyndylaryň emele geliş kada görkezijileri we olary ýerleşdirmek üçin bellenilen çäklendirmeler taslamasy (ПНООЛР) 7.Galyndylaryň howplulyk pasporty 8.Galyndylary dolandyrmak meýilnamasy 9.Adatdan daşary ýagdaýlardan daşky gurşawa ýaramaz täsirleriň öňüni almak ýa-da azaltmak meýilnamasy 10.Ekologiýa monitoring 11.Ekologiýa audit Bug gazanlaryň taslamalary boýunça hyzmatlarymyz: 1.TDS-2.601 howpsuzlyk düzgünlerine laýyklykda işleýän bug gazany desgalary üçin  (dublikatlary) resminamalary taýýarlamak. 2. Basyş astynda işleýän gap üçin (dublikatlary) resminamalary taýýarlamak 3. Bug we gyzgyn suw geçiriji turbalary üçin (dublikatlary) resminamalary taýýarlamak 4. Bug gazan desgalaryň dikeldiş işleriniň taslamalaryny işläp düzmek 5. Bug gazany desgalaryny taslamak, döwrebaplaşdyrmak we üýtgetmek boýunçataslamalaryny işläp düzmek 6.Bug gazan desgalary taslamak, gurnama boýunça taslamalary we gazanyň ýerleşişi-düzülişi boýunça taslamalaryny işläp düzmek

“Erteki” 2001-nji ýylda esaslandyryldy. Kompaniýanyň esasy ileri tutýan önümi, diňe tebigy çig mal esasynda öndürilen önümiň ýokary hilli bolmagydyr.

“Del” hojalyk jemgyýeti, 2011 ýylyň fewral aýynda açyldy. Del hojalyk jemgyýetiniň ýerine ýetirýän işiniň esasy ugry polietilenden we polipropilenden dürli ölçeglerde paketler,  polietilenden we polipropilenden ýeňlik, ýarym ýeňlik we polotno görnüşinde plýonka öndürmek bolup durýar.

"Şowly Syýahat" - size planetamyzyň her burçunyň özüne çekijiligini görmäge we duýmaga mümkinçilik berýän gyzykly we aýratyn önüm hödürleýäris.Islendik başdangeçirijiniň, gurme, estet ýa-da syýahatçylyk bilen gyzyklanýanlaryň isleglerini we arzuwlaryny ussatlyk bilen hakykata öwürýäris. Kompaniýamyz bilen habarlaşyp, size laýyk gelýän syýahaty tapyp bilersiňiz.

Türkmenistanyň çäginde örän tiz wagtda kämillige tarap gadamyny basýan, ýaş we döwrebap kompaniýalaryň biri bolup polipropilenden taýýarlanylan multiflament ýüplükleri öndürmek we satmak işini alyp barýar. ÖNÜM AÝRATYNLYKLARY Önümlerimiziň ählisi aşakdaky aýratynlyklara eýedir: Multifilament ýüplüklerimiziň dykyzlygy (denýe) 150-den başlap 4000-e çenli ýetirmäge mümkinçiligimiz bar. UV yşyklary bilen durnuklaşdyrylan, ýaglanan, ýokary dartyş güýjine eýe ýüplükleri ähli fiziki we mehaniki aýratynlyklaryna esaslanyp birnäçe ýyllap saklamak mümkin. Multiflament ýüpliklerimiz dürli kislotalara, aşgarlara we erginlere çydamlydyr. Önümlerimiziň UV yşyklaryna çydamlylygy her üznükde 6,8-7.5 g / denier-e barabardyr. Müşderiniň islegine we sargydyna baglylykda, öndürilýän ýüpligiň reňkini, egrilik diametrini, agramyny we mukdaryny sazlap, ýene-de islege görä gutuda ýa-da paletde gaplap berýäris. Polipropilen halta lentalary we tikilen haltalar, ýüpler, remenler, şnurlar, dokalan matalar we dokalan torlar, önümçilikde ulanylýan uly torbalar, aýakgaplar, sumkalar we çemodanlary tikmek, matalary ýasamakda hem-de matalary tikilýän ýüpekleri ýasamakda has hem giňden ulanylýar.

"BAKJAM söwda" hususy kärhanamyz 2009-njy ýyldan bäri Türkmenistanda ilkinji doňdurma öndürijilerinden biridir. Ýewropaly öndürijilerden häzirki zaman ýokary tehnologiýaly enjamlarymyz we ýokary hilli önümleri üpjün edýän tebigy ýerli çig mallarymyz bar. Şeýle hem, doňdurylan pelmen we börek öndüriji hökmünde tanalýarys. Ýaňy-ýakynda konserwirlenen önümler bilen meşgullanmaga başladyk we ýurtda kanagatlanarly alyjylaryň razylygyny aldyk. Assortimentimiz ýylsaýyn ösýär. Önümlerimizi saýlamak bilen, olaryň 100% tebigy maddalardan ýasalandygyna kepillendirýäris.

“Emir-Ussa” hususy kärhanasy 2009-njy ýylyň 23-nji oktýabrynda hasaba alnyp, Döwlet ygtyýarnamalaryny almak bilen esasy işi - toplumlaýyn taslama we binagärlik işleri, jaýlaryň umumy gurluşygy, gurluşyk-gurnama işleri, abatlaýyş-gurluşyk işleri, raýat inženerçilik işleriniň gurluşygy, şol sanda senagat inženerçilik desgalarynyň gurluşygy, daşky we içki inženerçilik ulgamlaryny gurnamak, işe goýbermek, abatlamak, suw we lagym ulgamlaryny gurmak, gidrotehniki we suw hojalyk desgalarynyň gurluşyk işleri; - 10 kw çenli elektrik toguny geçiriji ugurlaryny gurmak işleri, 10 kw çenli elektroenergetika enjamlary gurnamak işleri we 10 kw çenli elektroenergetiki ulgamynda taslamalary işläp düzmek we ýerine ýetirmek işleri; - nebit-gaz toplumynyň we howply desgalaryň gurluşygynda we suw arassalaýjy desgalarda enjamlary gurnamaklyk, şol sanda enjamlaryň goýberiş-sazlaýyş işleri; - bug gazany-gözegçilik desgalarynyň senagat howpsuzlygy boýunça işleri; - ýük awtoulag serişdeleriniň işlerini ýerine ýetirmekden ybarat bolup durýar.

“Chee Life” Eýranyň iň uly alkogolsyz içgiler zawodlarynyň biridir.   Häzirki wagtda önümlerimize sebitleýin bazarlarda barha köp isleg bildirilýär. Biz däp-dessurlarymyzyň beýleki ýurtlarda hem tanalýandygyna we hormatlanýandygyna buýsanýarys.   Häzirki wagtda biz her gün millionlarça maşgala şatlyk getirýän iki düzine golaý brend öndürýäris. Biz sarp edijilerimize ýokary baha berýäris we has uly peýda bermäge çalyşýarys. Olaryň saýlamagy bizi täze belentliklere ýetmäge we içgi önümçiliginde ajaýyplyga ymtylmaga ylhamlandyrýar.

«ALPHA» – biz ýokary hilli sirke esasly silikon germetiklerini Hytaýdan import edijisi.   Biziň önümlerimiz ak ýag goşulmazdan, arassa silikondan öndürilýär, bu bolsa ýokary häsiýetleri kepillendirýär: uzak ömürliligi, suw geçirmezligi, iň gowy ýapyşmagy (adgeziýany), deformasiýa durnuklylygy hem-de temperatura tapawutlaryna we atmosfera täsirlerine çydamlylygy.

«Asuda Akym» müşderileriň isleglerini kanagatlandyrmak üçin “SIR ÝAG” bellige alnan söwda belgisi astynda 90 görnüşli ýaglaýjy maddalary öndürýär. Jemi önümçilik kuwwaty günde 80 tonna we ýylda 20,000 tonna bolan zawodymyz Türkmenistanyň Lebap welaýatynda 30,000 m² meýdanda ýerleşýär. Maksadymyz halkara standartlaryna laýyk gelýän ýokary hilli önümleri öndürmek we dünýäde meşhur, ygtybarly we abraýly türkmen ýaglaýjy maddalarynyň brendini döretmek arkaly öz ýurdumyzyň, ýagny Türkmenistanyň ýaglaýjy maddalar pudagynyň daşary ýurtlara garaşlylygyny azaltmakdyr. Öndürilen ähli önümler satuwa çykarylmazdan öň, esasan hem Türkmenistanyň milli standartlaryna (TDS) we ASTM we DIN ýaly halkara standartlaryna laýyklyk üçin laboratoriýamyzda berk synagdan geçirilýär. Esasy maksadymyz iň ýokary hilli we iň gowy bahadan önümleri hödürlemek arkaly müşderileriň isleglerini, garaşmalaryny we bazar talaplaryny kanagatlandyrmakdyr. Biziň möhüm borçlarymyzyň biri müşderilerimize tehniki taýdan hem-de hyzmatdaş hökmünde goldawymyzy görkezmekdir.

Jaýdar Ugur kompaniýasy elektrik harytlarynyň dürli görnüşini hem-de gurluşyk we abatlaýyş işleri üçin sarp edilýän önümleriň aglabasyny hödürleýär. Jaýdar Elektrik Biziň brendimiz REBI – howpsyz hem oňaýly ulanyş üçin döredilen ýokary hilli we döwrebap harytlary bilen tapawutlanýar. Biziň harytlarymyz: •     rozetkalar •     wklyuçateller •     awtomat wklyuçateller •     elektrik kabelleri •     elektrik uzaldyjylar •     elektrik şitler we gutylar •     ýagtylandyryjylar, lampalar, spotlar, LED-lentalary •     dürli gurallar we köp sanly beýleki harytlar. Biz innowasiýalary we stilleri özünde jemleýän ygtybarly we netijeli çözgütleri hödürleýäris. Olar siziň öýüňizi we ofisiňizi her gün has oňaýly eder we has gowulaşdyrar. Jaýdar Gurluşyk Biziň “Wellafix” brendimiziň harytlary — ýokary hili we elýeter bahany özünde jemleýän gurluşyk we abatlaýyş işleri üçin sarp edilýän serişdelerden ybarat.  Bizde gurluşyk we abatlaýyş işleri üçin sarp edilýän serişdeleriň giň köpçüligi bar.  Biziň harytlarymyz: •     montaž penasy •     silikonlaryň dürli görnüşi •     naždaklaryň köpdürlisi •     kesiji we igeleýiji diskler •     tiz ýelmeýän ýelim •     ellikler •     dürli gurallar we köp sanly beýleki harytlar. Biz diňe ussalaryň işini ýeňilleşdirýän, netijeliligini ýokarlandyrýan we ygtybarly netijäni üpjün edýän ýokary hilli önümleri hödürleýäris.

Kompaniýamyz, 04.03.2015-nji ýylda hasaba alnyp, Türkmenistanda we onuň çäginden daşarda himiki önümleri öndürmek we getirmek boýunça liderdir. Eksport: Russiýa, Özbegistan, Gazagystan, Gyrgyzystan, Polşa we Päkistan. Biz dünýä we sebit liderleri, şol sanda Baker Hughes (ABŞ), Çalık Enerji (Türkiýe), Sungates Trading (BAE), Introlium Enerji ve Petrol Anonim Şirketi (Türkiýe), Rashid Chemical (Özbegistan), şeýle hem dokma we gurluşyk kärhanalary bilen hyzmatdaşlyk edýäris. Kompaniýanyň himiki önümleri öndürmek, import etmek we satmak üçin ygtyýarnamalary, şeýle hem ISO 9001, ISO 14001 we ISO 45001 hil sertifikatlary bar. Biz hyzmatdaşlygyň her bir tapgyrynda ygtybarlylygy, hili we professionalizmi kepillendirýäris.