Türkmenistanda «LED önümleri»

Biziň taryhymyz Biziň fabrikamyz konditerçilik sungatyna bolan höwesden we dünýä bilen iň gowy süýjülikleri paýlaşmak isleginden döräpdir. Dörän günümizden bäri, adatlary we döwrebap tehnologiýalary utgaşdyryp, müşderilerimizi ýokary hilli we tagamly önümler bilen begendirýäris Biziň missiýamyz Biziň missiýamyz ýönekeý: bagt getiren süýjülikleri döretmek. Biz ähli zadyň kämilligine ymtylýarys – iň gowy ingredientleri saýlamakdan başlap, özboluşly reseptleri döretmäge çenli. Her bir önüm biziň söýgimizden, ussatlygymyzdan we müşderilerimize bolan aladamyzyň netijesidir. Biziň önümlerimiz Biz konditerçilik önümleriniň giň görnüşini hödürleýäris: •    Karamelli we ýumşak zefiriň süýjülikleri •    Kökeler we wafli •    We başga köp zatlar Her bir önüm size unudylmajak tagam we estetiki lezzet almak üçin jikme-jikliklere aýratyn üns bilen döredilýär. Biziň gymmatlyklarymyz Biz hil, innowasiýa we durnukly ösüşiň ähmiýetine ynanýarys. Diňe tebigy ingredientleri ulanýarys we önümlerimiziň diňe bir tagamly däl, eýsem peýdaly bolmagyny üpjün etmek üçin ýokary önümçilik standartlaryna eýerýäris. Şeýle hem, ýerli jemgyýetleri goldaýarys we gaplamak üçin ekologiýa taýdan arassa we gaýtadan işlenip bilinýän materiallary saýlap, daşky gurşawy goraýarys.

"Asuda" konditer fabrigy 2016-njy ýyldan bäri öz önümini içerki bazarda we eksportda söwdasyny amala aşyrýar. Biziň fabrikamyzyň esasy maksady - amatly bahadan ýokary hilli konditer önümlerini öndürmek. "Asuda" konditer önümleriniň hili çig mal bilen üpjün edijileri üns bilen saýlamagyny kepillendirýär. Öndürilen önümler kepillendirilen we ýokary halkara standartlaryna laýyk gelýär. Häzirki wagtda "Asuda" konditer fabrigi, Türkmenistanda iň uly konditer önümlerini önderijileriniň biridir.

"TwinLime Group" kompaniýasy 2011-nji ýyldan bäri bazarda işläp gelýän, Türkmenistandaky iýmit komponentleriniň esasy üpjünçileriniň biridir. Kompaniýa içgileri, konditer, et we beýleki azyk önümlerini öndürijiler üçin iýmit goşundylarynyň hem-de komponentleriniň hünärmen derejesindäki üpjünçiligi boýunça ýöriteleşýär. Biz Ýewropanyň öňdebaryjy öndürijileri bilen hyzmatdaşlyk edýäris we hil hem-de howpsuzlyk baradaky häzirki zaman talaplaryna laýyk gelýän çözgütleri hödürleýäris. "TwinLime Group" durnukly üpjünçiligi, tehniki goldawy we müşderiniň wezipelerine görä önümleriň aýratynlykda saýlanylmagyny üpjün edýär. Biziň hünärmenlerimiz resepturany, tehnologiýany we önümçiligiň talaplaryny göz öňünde tutup, iň amatly çözgüdi saýlamaga kömek edýärler. Biz uzak möhletleýin hyzmatdaşlyga, ygtybarlylyga we assortimentiň yzygiderli ösdürilmegine gönükdirilendiris. "TwinLime Group" — azyk senagatynyň kärhanalary üçin hünärmen hyzmatdaşdyr.

Jebel şäherçesinde ýerleşýän Hojalyk jemgyýetimiz 2023-nji ýylda açylyp, onda “Çyrag” haryt nyşanly ýagtylyk güýji 6-50 wat aralygynda bolan LED lampalaryň 10-dan gowrak görnüşi öndürilýär. Ýaşlaryň birbada 40-a golaýyny iş bilen üpjün edýän önümhanada taýýarlanylýan ýokary hilli lampalar sarp edijileriň uly isleginden peýdalanýar.   Rysgally Nesip HJ-de durnukly önümçilik we ykdysady çözgütler bilen üpjün etmegi maksat edinýäris. Ekologiýa taýdan arassa we energiýa tygşytlaýan önümleri gözleýān dünýäde, häzirki zaman we innowasiýa önümçilik usullaryny ulanyp, Türkmenistanda ýokary hilli yşyklandyryş çözgütlerini öndürýäris. Biziň maksadymyz, energiýa netijeliligini ýokarlandyrmak arkaly sarp edijiler üçin býudjet üçin amatly wariantlary hödürlemek bilen tebigaty goramaga goşant goşmak.   •    Az energiýa sarp edýän LED lampalar •    Ekologiýa taýdan arassa lampalar •    Ýokary netijlilik yşyklandyryş Çözgütleri

Biz dürli görnüşli we kesim ölçegli, dürli materiallardan we dürli birikdirme usullary bilen howa kanallaryny öndürýäris. Bu dürlülik size wezipeňizi çözmek üçin zerur bolan elementleri saýlap we satyn almak mümkinçiligini berýär. Biziň hödürleýän howa kanallarymyz diňe howalandyrma (howa çalyşyk) ulgamlarynda däl, eýsem kondisionerleme, aspirasiýa we tüsse çykaryş üçin hem ulanylyp bilner. Şol bir wagtda biz ähli önümleriň ýokary hilini, bellenen düzgünnamalara we kadalara laýyk gelýändigini, şeýle hem bahanyň we hiliň optimal deňagramlylygyny kepillendirýäris.

Aetrex, Inc.: Has gowy saglyk we rahatlyk üçin ylym we tehnologiýa Aetrex, Inc. aýak skanirleme tehnologiýalary, ortopedik önümler we rahatlyk hem-de saglyk üçin niýetlenen aýakgaplar babatda dünýäde öňdebaryjy kompaniýa hökmünde giňden tanalýar. Kompaniýanyň döwrebap aýak skanirleme enjamlary, şol sanda Albert, Albert Pro, Albert 3DFit (2022 we 2023-nji ýyllaryň CES Innovation Awards baýraklarynyň eýeleri) hem-de Albert Pressure, aýaklary takyk ölçemek, olaryň görnüşini kesgitlemek we basyş nokatlaryny ýüze çykarmak üçin işlenip düzüldi. Bu innowasion tehnologiýalar aýakgabyň we ortopedik içlikleriň iň amatly görnüşini saýlamaga, aýaga düşýän agramy azaltmaga hem-de ýöreýişde ýokary rahatlygy üpjün etmäge kömek edýär.

"BAKJAM söwda" hususy kärhanamyz 2009-njy ýyldan bäri Türkmenistanda ilkinji doňdurma öndürijilerinden biridir. Ýewropaly öndürijilerden häzirki zaman ýokary tehnologiýaly enjamlarymyz we ýokary hilli önümleri üpjün edýän tebigy ýerli çig mallarymyz bar. Şeýle hem, doňdurylan pelmen we börek öndüriji hökmünde tanalýarys. Ýaňy-ýakynda konserwirlenen önümler bilen meşgullanmaga başladyk we ýurtda kanagatlanarly alyjylaryň razylygyny aldyk. Assortimentimiz ýylsaýyn ösýär. Önümlerimizi saýlamak bilen, olaryň 100% tebigy maddalardan ýasalandygyna kepillendirýäris.

“Erteki” 2001-nji ýylda esaslandyryldy. Kompaniýanyň esasy ileri tutýan önümi, diňe tebigy çig mal esasynda öndürilen önümiň ýokary hilli bolmagydyr.

“Ak Hünji” HJ, Türkmenistanda giňeldilen polistiroldan (EPS) ýylylyk izolýasiýa we bezeg gurluşyk materiallarynyň, şeýle hem sendwiç panelleriniň öndürijisi.

Şarafyabi aşakdaky kompaniýalaryň resmi paýlaýjysy: Dabur - Vatika, DermoViva, Dabur Herb’I, Miswak, Dentacare we ş.m. markalary. “Lila Cosmetics” - “Maxx Deluxe”, “Lilafix”, deňiz reňkiniň öý reňkçisi, deňiz reňki we ş.m. markalary. Kosmetika we arassaçylyk önümleriniň 300-den gowrak görnüşini satýarys. Önümlerimizi sarp edijiler täze doglan çagalardan başlap, uly ýaşly raýatlary öz içine alýar. Kompaniýa 1997-nji ýylda esaslandyryldy. Häzirki wagtda harytlaryň satuwy Aşgabat şäherindäki we Türkmenistanyň ähli sebitlerinde söwda nokatlarynda amala aşyrylýar.

Abadan Haly AGPJ häzirki wagtda içerki haly bazaryna hyzmat edýän Türkmenistanda dokma pol örtükleriniň iň uly öndürijisidir. Kompaniýanyň haly önümçiligi meýdançasy, bölek satuw dükany we ofis binasy paýtagt Aşgabadyň Abadan etrabynda ýerleşýär we umumy meýdany 14,5 gektar. Toplumda haly dokamak bölümi, gaýtadan işleýän bölüm we iki sany çig mal öndürýän bölüm   - (polipropilen we akril ýüplük) bar. 300 ýüzden gowrak işgäri bilen zawodyň häzirki önümçilik kuwwaty her ýyl 2,500.000 inedördül metr haly we haly önümleri.

"Demirgazyk söwda ýoly" Hojalyk Jemgyýeti 2022-nji ýylyň ýanwar aýynda döredildi. Işimiziň esasy ugry import - eksport etmek: metal önümleri, awtoulag şaýlary, himiýa, nebit we gaz pudaklary üçin enjamlar. Ähli awtoulag markalary üçin ätiýaçlyk şaýlaryny we tekerlerini hödürleýäris.